De naieket geat no en de provinzal Strategi, en ganau pet en zil va mittler ont longa zait ver en versterchern s bissn van u’lear va mearer sprochen ver de studentn ont studenten van an iata schual, gabiss as s unterstitzn ont s giltn va de kultural birtshòft ont social identitat van Trentin geat turch aa en vergreasern s bissn ont s kennen klòffen en an europeischen ont va de bèlt livell. Der projekt hòt der zil aa za gem de moglechkait za uterstitzn de lear roasn en auslònt as bichte sai’ ver za bòcksn sèlber ont ver za vergreasern s bissn ver za meing vinnen òrbet.
BER MU’ TOALNEMMEN
S meing toalnemmen en de doi naiòrbet de studentn as:
- sai’ noch za mòchen en schualjor 2025/2026 s zboate jor va de zaboateschual va zboate grad va viar jor oder s dritte jor va de scboateschual va zboate grad en balscha schualn;
- hom nèt mear va zboa’sk jor en lest to as men mu’ vourstelln de vrog;
- lem en de Provinz va Trea’t;
- plaim en Provinz va Trea’t (der student miast learnen en a schual en Trentin);
- as mòchen toal van a familia as hòt an indicator ICEF “familia” as kimmp auser va de staiersog ont van pahalter 2024, zeilt no de 15 van lestagest 2025, glaich oder minder va 0,83.
BOU
Jorschual en a Lònt va de Eurpeische Union oder van Regno Unito.
TAUERN ZAITN
S tauern va de schualzait mu’ bern a jor (nèt minder as 240 ta) oder ver minder zait (mindestn 110 ta).
VOURSTELLN DE VROGN
De vrog ver en studiumprais muast sai’ vourstellt, lai’ online, va um 10.00 van pfinsta as de 27 van òlderhaileng 2025 finz um 12.30 van vrai’ta as de 09 van genner 2026, direkt asn sito http://www.provincia.tn.it/fse .
S gèlt as bart sai’ zuatoalt bart kemmen gem lai benn as ist garift schualjor 2025/2026 a’ne schualmengeln.
S gèlt as men gip hòt der rif za hèlven za zoln de kostn van lem bail as der student geat en auslònt za learnen, ober de organisazion va de u’lear kimmp galòk en student ont en de familia. S gèlt as bart kemmen gem bart bècksln noch en Lònt tschèrlt, noch en bern (s gònz jor oder a kirzera zait) ont en indicator ICEF “Familia”.
De Nochricht ver za learnen en auslònt en de Europeische Union oder en Regno Unito, s keart en Programm FSE+ 2021-2027 va de Autonome Provinz va Trea’t, en zòmm zuagèlt ver en 40 pro zent va de Europeische Union/ social Fondo europeische plus, ver en 42 pro zent van Stòtt ont ver sèll as vonzt 18 pro zent va de Autonome Provinz va Trea’t.
S gèlt en gònzn sem galeik ist va 600.000,00 euro as bart meing zoln laischiar vinvasesk voucher.
Ver informazionen u men u’riaven:
Struttura Multifunzionale Territoriale Ad Personam
Via Pranzelores, 69 – 38121 Trea’t
Van ma’ta finz en vraita va um 8.30 – 17.30
grea’nummer: 800 163 870 – fax 0461 390707
sait web: www.provincia.tn.it/fse+
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
