I benefizières e la ativitèdes che pel vegnir ametù
Aldò del document aproà dal esecutif, chi che pel aer i contribuc l é la organisazions de volontariat e la sociazions de promozion sozièla scrites ite tel RUNTS, la sociazions, la fondazions (fora che cheles finanzièdes da la Provinzia autonoma de Trent) e etres enc de carater privat zenza fins de vadagn, i Comuns e la Comunitèdes de Val/Teritori Val de l’Adesc, la istituzions scolastiches e formatives con senta operativa te la provinzia de Trent.
L vegnarà ametù a contribut i projec e la scomenzadives metudes a jir sul teritorie provinzièl e che les revèrda una o più de la ativitèdes scrites cassot:
• promozion e sparpagnament de la cognoscenza storica, culturèla o giuridica de l'Autonomia del Trentin;
• valorisazion, con referiment particolèr te anter i joegn, de la cultura de l'Autonomia;
• ideazion, valorisazion o sparpagnament di simboi de l'Autonomia;
• realisazion de studies e enrescides su l'Autonomia;
• interpretazion di valores de l'Autonomia a na moda dinamica, inovativa e atuèla.
Chesta scomenzadives les pel vegnir fates très evenc, mostres, laboratories o produzions de musica, teater, filmac, bai o autra sort de èrts performatives.
I projec i cogn perveder de portèr inant uno o più de chisc valores de l'Autonomia: responsabilità, partezipazion, autogoern, convivenza te la pèsc, cooperazion transfrontaliera, solidarietà, sussidiarietà, sentiment de identità e de partegnuda a la comunanza, recognosciment del pluralism linguistich. No l vegn pervedù de finanzièr la realisazion e publicazion de libres.
Prozedures e speises ametudes
La domanes de contribut les cognarà vegnir portèdes dant a la strutura provinzièla competenta en cont de promozion e valorisazion de l’Autonomia ti tempes e aldò de la modalitèdes che vegnarà stabilides dai desvalives avisc publics. La strutura la se cruziarà de l’istrutoria de la domanes portèdes dant - che les vegnarà valutèdes da na comiscion metuda su aposta – la aproarà la graduatories di projec ametui a contribut e la se cruziarà de ge conzeder l finanziament enfin a durèr duta la ressorses a la leta.
Pel vegnir finanzià la speises per l'ideazion e la realisazion del proje o de la scomenzadiva, la speises per la produzion de material didatich, de sparpagnament, de comunicazion e de promozion e per enjignèr, e ence la prestazions di servijes desche consulenzes scientifiches, informatiches e de comunicazion, servijes de trasport, projetazion grafica, encèries a profescionisć, servijes tipografics, paamenc a relatores, speises de interpretariat e traduzion.
Traduzion di Servijes Linguistics e Culturèi del Comun general de Fascia
