Traduzione in ladino
Per cognoscer i lurieres da mont con EUSALP
Per tor pèrt al “Discover Mountain Jobs edizione 2025: Foreste e filiera del legno" la candidatures les cogn vegnir manèdes ite dant dai 31 de messèl
[Ladino] Discover Mountain Jobs l é n summer camp de EUSALP sul setor forestal e su la filiera del legn avert ai joegn dai 18 ai 26 egn. Chest an sarà l Trentin a ge dèr alberch ai partezipanc selezioné, te na esperienza de trei dis a Roncegno e Tieser, dai 18 ai 20 de setember del 2025.
L event l vegn endrezà dal Grop de Azione 3 (AG 3) de EUSALP “Mercato del lavoro, istruzione e formazione” – coordenà da la Provinzia autonoma de Trent - e l vegn finanzià dal Projet Support EUSALP (FESR, tras l Program Interreg
Spazio Alpino). L'atività la fèsc pèrt de la priorità AG 3 “Giovani e lavoro”, de chela che l obietif prinzipèl l é chel de sensibilisèr i joegn en cont di lurieres da mont e de la oportunitèdes de lurier te la Èlpes, acioche sie più jent che vel jir a stèr ti raions da mont e donca didèr l stravardament del patrimonie culturèl de chisc teritories.
I partezipanc i arà l met de fèr crescer sia cognoscenzes de gra a esperc ti setores del bosch, di pré e di bosć, de l’imprenditoria e de la enrescida sul legn, con vijites sul teritorie a firmes del post, col smaorèr sie potenzial profescionèl te la Èlpes.
I posć a la leta i é 20, do da na selezion.
La candidatures les cogn vegnir manèdes ite dant dai 31 de messèl del 2025 a chest link: https://forms.gle/pnmAZHiZLoMGnkmU6
Ai partezipanc ge vegnarà dat alberch a Villa Flora, Roncegno. Cost de magnèr e cartier l vegn corì dal Program. Na pèrt de la speises per l viac la vegnarà refonuda. L program l vegnarà fat per talian e ingleis.
Per informazions: eusalp.labourandeducation@provincia.tn.it
Enjontà: placat
Traduzion di Servijes Linguistics e Culturèi del Comun general de Fascia
(cdt)
Immagini
