Za sai’ ganauer, kan Mets bo as se vinnt aa s greaseste toal van sai’ archiv, bart men klòffen mear as ònderst as de òrbet ont de bèrkn van Šebesta en de aunemm van klòffen, en de etnografi ont van sai’na òrbetn pet de film. Derzua bart s plòtz hom aa ver de lander bo as der gaòrbetet hòt ont gaholven hòt za klaum zòmm de pahalter van volker.
En Palai bart klòfft kemmen as de archeologi, as de sai’na òrbetn en Tol, as de sait va de etnografi ont as de sèll va de literatur as ver im an groas vrait gaben ist. Der Šebesta ist kemmen en Tol en de leistn jarder van ‘40er jor ont dòra vil en de ‘60er, bo as er mearer untersuachen gamòcht hòt ont vil zòmmklaupt hòt as en klòffen ont as en zaig van a vòrt. Nomitto bart kemmen gamòcht a kloa’na runde uman de heff ont de hittn va Palai ont zan leistn a pasuach van Filzerhof en Vlarotz.
Der programm kònn austschaukt kemmen en doi LINK
Der to en Palai mòcht toal van programm van PNRR “De kròft va der sprochminderhait: s bider augea' van taitschn derver en sud van Alpn”, linea nr. 4 “Seminarn, eventn, mittoal, iniziativn sprochminderhaitn Bersntoler Kulturinstitut”.
