Venerdì, 31 Gennaio 2025 - 13:06 Comunicato 196

Traduzione in mòcheno
Euregio Brussels School 2025: vrong offet finz as de 28 van hourneng

De studentn va de universitet va Innsbruck, va Poazn ont va Trea’t meing se innschraim en de edizion 2025

[Mòcheno] Schaung bos as tea’ de europeische istituzionen ka Bruxelles, verstea’ abia as òrbetet de europeische Union ont de international diplomati, klòffen pet de politiker ont hoacha viarer ont kriang kreditn ECTS (European Credit Transfer System) ver en aigene kurs va riftitl: barts bider moglech sai’ en summer van 2025 ver de studentn inntschrim en an Master van universitetn va Poazn, va Innsbruck ont va Trea’t. De vrong ver en Euregio Brussels School 2025 sai’ offet ont s hòt zait finz as de 28 van hourneng as kimmp.
Der interdiziplinarkurs ist organisiart van Omt as zòmmpintet der Euregio Tirol-Sűdtirol-Trentin ka Bruxelles. S bart sai’ s viarzenste vòrt, s bart se hòltn va de 23 finz as de 27 van prochet 2025 en de haupstòtt van Belgio ont de bart kearn en de studentn intschrim en an Master, drinngahòltn de studentn van Erasmus+ aa, van òlla de kursn va riftitl van universitetn drautschrim, pet en zil za meing kriang kreditn ver en aigene kurs va riftitl, as sai’ miast versichert vouraus.
Foto di gruppo per i 27 studenti e gli organizzatori al termine della Euregio Brussels School 2024 [ Foto Euregio]

Arno Kompatscher president va de autonome Provinz va Poazn ont president van Euregio, Maurizio Fugatti president va de autonome Provinz va Trea’t ont der kapitan van Tirol Anton Mattle unterstitzn de jungen za probiarn za nemmen toal en learprojekt, ont unterstraichen as s zòmmtoaln ont s paun van an zòmmlem pet rua va de Europeische Union vinnt bichtega burtzn en kennen ont en belln zòmmòrbetn. De zòmmòrbet zbischn Lender, Regionen ont Provinzn ka Bruxelles tuat aupaun òrbetn as derekt en òlltolem van lait zuakearn. “Ver an stòttkear ist noat kennen de sistem va de politik ont va de amministrazion va de EU; s sinnvoll ont bèrteg ver en envirgea’ van gamoa’schòftn, nogea’ va glaim en gasetzring va de EU. S ist derzua bichte ver de òllgamoa’amministrazionen ont ver de stakeholder van lender, zòmmleing auskennlait iber en de organisasion ont en modus operandi va de EU ont van Euregio selber”, song Kompatscher, Fugatti ont Mattle.

Men lont inn za nemmen toal iberhaup ber as zòmmleing billt de sòchen galeart en de universitet pet de praktesn virm ont ber as a’nungen tauschn billt pet de europeisn politiker ont pet de studentn van Euregio Tirol-Sudtirol-Trentin. S program ist runt enteressant ver bem as an òrbetben en politik, haitzegentogschicht, ibersetzung oder kulturallear u’vongen billt, oder ver bem as netzn ont kamaròttschòftn um en de bèlt paun billt.

òlla de nochrichtn iber en innschraim se do en doi link (af englesch)

Ibersetz gamòcht van Sprochtirl va de Tolgamoa'schòft Hoa Valzegu' ont Bersntol

(cdt)


Immagini