Venerdì, 31 Gennaio 2025 - 13:03 Comunicato 195

Traduzione in ladino
Euregio Brussels School 2025: se pel se enscinuèr enscin ai 28 de firé

I studenc de la universitèdes de Dispruch, Busan e Trent i pel se scriver ite te la edizion 2025

[Ladino] Cognoscer l lurier de la istituzions europeènes a Bruxelles, entener i mecanismes e i doeres de la Union europea e de la diplomazia internazionèla, descorer a na vida direta con politics e funzionères de aut livel e arjonjer i credic ECTS (European Credit Transfer System) per sie cors de laurea: chest i lo podarà endò fèr via per l’istà 2025 i studenc scric ite a n Master de la universitèdes de Busan, Dispruch e Trent. La enscinuazions al Euregio Brussels School 2025 les é orides e ge vel les fèr dant che sie fora i 28 de firé.
L cors interdisciplinèr l vegn endrezà dal Ofize de coleament del Euregio Tirol-Sudtirol-Trentin a Bruxelles. L é la 14a edizion e l sarà endrezà dai 23 ai 27 de jugn del 2025 te la capitala belga e l é out ai studenc scric ite a n Master, tout fora i studenc Erasmus+, de duc i corsc de laurea de la universitèdes scrites dant, col fin de arjonjer credic direc per sie cors de laurea, che ge vel zertifichèr enstesc dantfora.
La Rappresentanza della Regione europea Tirolo-Alto Adige-Trentino a Bruxelles che ospita anche l'Ufficio per i Rapporti con l'Unione europea

L president de la Provinzia de Busan e president ades del Euregio Arno Kompatscher, l president de la Provinzia Autonoma de Trent, Maurizio Fugatti e l capitan del Tirol Anton Mattle i engaissea i studenc a se candidèr per l projet de formazion, col sotrissèr che spartir coi etres e viver a na vida serena te l’Union Eurepea l é na condizion de gran valuta che vegn fora dal esser bogn e voler lurèr adum. La cooperazion anter i Stac, Regions e Provinzies a Bruxelles la svilupea azions che dèsc ejic direc tel viver de ogne dì de duc i sentadins. “Per ogne sentadin responsabol fèsc besegn tor consaputa di mecanismes de la politica e de l’aministrazion de la UE; l é percacent e de fazion per n svilup de sia comintèdes, ge jir do da vejin al prozes legislatif de la UE. L é dassen emportant, ence, per la aministrazions publiches e per i stakeholder di raions, formèr e tor ite esperc te la organisazion e tel modus operandi de la UE e del Euregio” disc Kompatcher, Fugatti e Mattle.

Vegn chiamà a se candidèr soraldut chi che vel meter adum sia cognoscenzes academiches con aprofondimenc pratics e baratèr idees coi responsaboi politics europeans e coi studenc del Euregio Tirol-Sudtirol-Trentin.
L program l é de enteres ence per chi che volessa fèr na cariera ti ciampes desche la politica, la storia contemporana, la traduzion e i studies culturèi o che vel demò meter a jir rees internazionèles e cognoscenzes soravia la seides.

Duta la informazions dintornvia la enscinuazions les é sun chest link (per ingleis)

Traduzion di Servijes Linguistics e Culturèi del Comun general de Fascia

(cdt)


Immagini