En zentrum van puach vinnt men de naiestn bècksln ont abia as steat hait de demokrazi en Sudtirol ont en Trentin. “De demokrazi funzioniart nèt aloa’. De henk u’ en de lait as sa lem ont as sa konkret mòchen. De sai’ qualitet versteat men durch de konzeptn va demokrazi van an iatn zòmm pet de sèlln van òndern - bail en de boln ont auser van sèlln momentn aa, zan paispil en de virm va dialog-zòmmòrbet”, hòt tsòk Alber.
Ver sèll as keart um de derstelldemokrazi, Alber ont Pallaver tea’ arausschaung de bolnsistemen ont s gea’ za stimmen, s Provinzalrot ont de Provinzaljunta, de Gamoa’n ont de òrbet van baiber en de politik. En de direktdemokrazi klòfft men va referendum, en de gamoa’n ont en de provinz aa. En arausschaung va de dialog-zòmmòrbet demokrazi, de autorn konzentriarn se af de demokratesn naiekaitn en de gamoa’n, en de provinz ont en de euroregion, ont hom arauspfuntn, as de demokrazi en Sudtirol ont Trentin hòt attraktivitet verlourn. “Ver dòs s ist noat verstea’ de dinger abia as de stea’ ont u’vònegn de bècksln as noat sai’”, hòt tsòk Pallaver.
S puach, as rècht ist ver bolten lait ont iberhaup ver de jungen, ist an startpunkt ver en politikauzigln ont lont inn za tschbinnen af de demokrazi ont af de sai’ zòmmòrbet.
Pet hait sperrt se an ring va vinf strategesn naikaitn as en Euregio gabne sai’ en 2025, ont asou s ist unterstitzt kemmen an baitn gadònk iber en de bichtestn temen as gea’ va de zukunft van museum en de jungen bècksln, va de innovazion en de pahòltlechkait, en de gschichtlege untersuach”, hòt derzua tsòk Elisa Bertò van Iberòllsakretar van Euregio. En 2026 barn bider u’vòngen naia naikaitn.
Bail en Eirta van Euregio is aupaut kemmen vour en Haus Moggioli an austell iber de Autonomi aa. Men mu pasuachen de austell finz en eirta af de 9 van schantònderer bail en de offetzaitn van omt van Euregio, en via Grazioli 25 ka Trea’t.
Letrattdinst ont pilder kuriart van Euregio
Download van pilder ont vrong do
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
