La scomenzadiva la ge va do a la strategia provinzièla, e soraldut al obietif che se se met dant per n temp lonch-mesan che la é outa al smaorament de la competenzes plurilinguistiches di studenc e de la studentes, colun mai che sie l orden e degré de scola, spervaji che la promozion e l stravardament de l’identità culturèla, economica e sozièla del Trentin i vegn sostegnui, se sa ben, ence tras l svilup de cognoscenzes e capazitèdes de dialogh a livel european e global, estra che col obietif de engaissèr e de sostegnir esperienzes formatives a la foresta, che les é fondamentèles per la crescimoinia personèla e per l svilup de competenzes che do se podarà desfrutèr tel lurier.
DESTINATÈRES
Vegn ametù a la scomenzadiva i studenc e la studentes che:
- endèna chest an de scola 2025/2026 va te la clasc seconda di percorsc de istruzion de scola auta con percors de cater egn o te la clasc terza di percorsc de istruzion de la scola auta te istituc scolastics taliegn;
- cogn amò compir 20 egn;
- i vif te la Provinzia de Trent;
- i à n domizilie te la Provinzia de Trent (l student sentadin cogn jir te n istitut scolastich tel Trentin);
- I fèsc pèrt, a livel de condizion economica, de na familia che à n indicator ICEF “Familia” che vegn fora da la declarazion di vadagnes e patrimonie 2024, calcolà a scomenzèr dai 15 de setember del 2025, valif o più bas che 0,83.
OLÀ
An de scola te n Paisc de la Union Europeèna o tel Regn Unì.
REGNÈDA
L percors de istruzion l pel esser anuèl (amancol 240 dis) o parzièl (amancol 110 dis).
PORTÈR DANT LA DOMANES
La domana per l voucher la cognarà vegnir portèda dant, demò on line, da en jebia ai 27 de november del 2025 da les 10:00 scin a en vender ai 09 de jené del 2026 da les 12:30, jan sul sit www.provincia.tn.it/fse+
Chest contribut conzedù aboncont l vegn dat fora se se fenesc l an de scola 2025/2025 zenza loces formatives.
La sumes metudes a la leta les à l obietif de paèr ju l cost de sojornanza endèna che l student o la studenta i é a la foresta, enveze l endrez del percors l resta a cèria del student o de la studenta e de la familia. I emporc dac su i mudarà aldò del paisc forest cernù, de la regnèda del percors (anuèl o parzièl) e del indicator ICEF “Familia”.
L Avis per la partezipazion a percorsc de studie te paijes UE o tel Regn Unì, l vegn metù a jir tel chèder del Program FSE+ 2021-2027 de la Provinzia Autonoma de Trent, con n cofinanziament per l 40% da l'Union europeèna/Fondo sozièl european plus, per l 42% dal Stat e per l 18% che resta da la Provinzia Autonoma de Trent.
L emport complessif a la leta de 600.000,00 euro l permetarà de finanzièr presciapech sessantacinch voucher.
Per informazions se pel tor contat con:
Struttura Multifunzionale Territoriale Ad Personam
Via Pranzelores, 69 – 38121 Trent
Dal lunesc al vender da les 8:30 a les 17:30
Numer vert: 800 163 870 – fax 0461 390707
Traduzion di Servijes Linguistics e Culturèi del Comun general de Fascia
