Da Rorei a Alpbach passan per Busan
La pruma scontrèda de l’Academia del Euregio la sarà a Rorei dai 23 a i 25 de mé. En colaborazion co la Fondazion Trentina Alcide Degasperi, vegnarà analisà la dimenscion storica del svilup del raion olache stèsc i gropes linguistics del Euregio e de sia convivenza.
La seconda scontrèda la sarà tel Sudtirol dai 4 ai 6 de messèl: a Busan i joegn i lurarà col Istitut de enrescida sudtiroleis Eurac Research per vardèr fora i pians climatics di trei raions del Euregio e i mudamenc climatics de la region alpina.Vegnarà analisà, ence, la situazion de la mendranzes e l svilup de la autonomia.
L’ultima scontrèda la sarà dai 16 ai 18 de aost tel ambit de Euregio Days al Forum europeèn Alpbach 2025 tel “Villaggio dei pensatori” tiroleis. Vegnarà metù al luster coche i obietives de l’Union Europeèna per na Europa competitiva e l stravardament del clima (Orientament per la competitività de la UE – Green Deal) pel mudèr i raions alpins.
Enscinuazions
Se pel se scriver ite a la Academia del Euregio 2025 enscin ai 27 de oril del 2025 tras l sit del Euregio su la direzion www.euregio.info/academy . La quota de partezipazion per dut l zicle di seminaries, tout ite fit e cartier, la é de 90 euro. Per tor pèrt ge vel saer l todesch e l talian (livel linguistich B1 o più aut) e portèr dant na curta letra de motivazion.
Traduzion di Servijes Linguistics e Culturèi del Comun general de Fascia
