Ver de gare as kearn en verkear, der earste tritt finz asn ovòll ist der sèll van “leing en sicherkait ont baitern a toal sticker van provinzalbe 135, van kilometer 3+940 asn kilometer 4+130, en de Gamoa’ va Garait” (Òrbet S-1037 - unitet funzional 20.4). Der u’vòngkost va de gara ist va 304.078,43 euro.
De bèrkn as sai’ kemmen inngalont miasn se vourstelln pet an prais iberinn um 12.00 van pfinsta as de 17 van oberel 2025, earste sitz va gara en glaich to um zboa ont a hòlb no en vormes.
Derno ver zait ist “leing en sicherkait de lait as gea’ za vuas asn pb 8 van kilometro 6+400 finz asn kilometro 6+760 ungefèr, van kilometro 7+450 finz asn 7+500 a ker au a ker o ont van kilometro 8+840 finz asn kilometro 9+200 ungefèr en de gamoa’ va Oachpèrg. Der u’vòngkost va de gara ist 685.403,68 euro (a’ne Iva), derbail de bèrkn as sai’ kemmen inngalongt miasn se vourstelln pet an prais iberinn um 12 van 18 van oberel 2025 (pet de earste sitz va gara un 9.30 as de 23 van oberel).
Dòra ist gor de gara ver “leing in sicherkait van ourt petn riven en gea’be ont en plòtz leing s bòsser as de bichtesn ben” en de Gamoa’ va Palai en Bersntol (òrbet n. S-1037/19 - UF19), pet en u’vòngkost va gara va 516.888,28 euro. Ver de doi òrbet de bèrkn as sai’ kemmen inngalont miasn se vourstelln pet an prais iberinn um 12 as de 23 van oberel 2025; un 14:30 de earste sitz va gara.
En a kurza zait Apac bart embiarn pet de gara ver de òrbetn ver “leing en sicherkait ont baitern der p.b 135 van km 6+320 finz en km 6+640 ungefèr en de Gamoa’ va Vlarotz (òrbetn n. S-1037 - UF 20.3)”, pet an u’vòngkost va gara ver de òrbetn va a ker au a ker o 340tausnt euro.
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
