Gamòcht pet de zòmmòrbet va Trentino Marketing ver de òrbetn va nochricht vourtrong va Rai Pubblicità, der programm stellt vour an paispil va telebision “branded content” guat za leing zòmm durch a gschicht, s giltn van lònt pet en kontarn ont s klòffen va bem as es òll to lep.
Protagonist van trèff ist s Bersntol, an plòtz still en de zait bou as de praich ont de naikaitn plaim guat zòmm. Do zbischn de aussichtn en Palai en Bersntol, òlta gruam, heff va holz ont stoa’, pet de bersntoler sproch nou lebet, de telebision derstellt ont mòcht liacht as en de kultural ont mentsch pahalter van a gamoa’schòft as drauschauk ont enviretrok sai’na aigena burtzn. Lino Zani bart de zuaschauer viarn za vinnen araus de gschichtlegen ont literalischen zoachen van doi lònt, ont derbail Giulia Capocchi bart de stimm gem en de jungen as u’nemmen za paun de sai’ zukunft en Trentin, pet lust, pahòltlechkait ont vernaikait.
Linea Verde Trentino - La Valle incantata ist an projekt gamòcht zòmm pet Trentino Marketing pet an òrbet gem va de Autonome Provinz va Trea’t drinn en projekt gahoasn “De kròft van a minderhait: bideraugea’ van an lònt as taitscha burtzn hòt en sud van Alpen”, van paraich van PNRR [M1.C3 – INVESTIMENTO 2.1.– linea di azione A] zuazolt va de Europeische Union - Next Generation EU, as durch en klòffenvurm ont de kontarnkròft va de telebision, derzelt der haitzegento bèrt va de echthait, van tròchtn ont va de balsch schea’nekait.
Der trèff ist gamòcht kemmen gèltsgott en de zòmmòrbet va de Autonome Provinz va Trea’t, APT Valsugana, Gamoa’ va Palai en Bersntol, Bersntoler Kulturinstitut, Pro loco va Palai.
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
