Canche la forzes de la crepes doventa poesia, nasc Luianta, na colezion de ores che encanta l’èmena. E canche la creida de noscia tera se lascia lurèr da l’èrt, la ciapa foja de simboi che rencura la oujes de saeres veiores
Te Majon di Fascegn vegn portà dant la neva colezion de ores ladins “Luianta: Conties, Lumes e Preziousc”
[Ladino] Ai 13 de mèrz, te sala Grana del Istitut Cultural Ladin, te Strada de la Pieif 7 a Sèn Jan, vegnarà portà dant "Luianta: Conties, Lumes e Preziousc", n viac encanteisemà olache, de gra a Aurona Ores, stories de femenes ardides e de regnes perdui ciaparà vita e la beleza de la Dolomites se tramudarà te scrignes de maiolica de n encant zenza temp.
Te Majon di Fascegn a portèr dant Luianta sarà Carlotta Nemela e Katiuscia Rasom, la doi artistes che ge à dat vita a Aurona Ores.
“Per la Majon di Fascegn se trata de na vida neva e da anteveder de fèr e sparpagnèr fora cultura: col la leèr a la economia e a la modernità, respetan l passà ma col endesfidèr stolc l’idenità ladina del davegnir. Ence chesta l é na vida neva per zelebrèr l 50eisem cedean del Istitut ”, sotrissea la diretora, Sabrina Rasom”.
L event sarà compagnà da n moment convivièl rencurà da la azienda agricola N'outa.
Per prenotazions, dant che sie fora en mèrtesc ai 11 de mèrz empienian ite la domana sun chest link: https://forms.gle/tMqG2NUF9GPTSoFK9 o chiaman l 347 8929513.
L biliet per jir ite l é de € 10 da paèr sul post.
(S.Ra.)
Immagini
