Van istituzional as de kultural ont sportlich trèffen, der òll boch tiafdruck gip nochrichtn van dinstn ont van vaierta as sai’ kuntschòft va oa’nekait van a gamoa’schòft as lust hòt ont zòmm steat.
Der earste trèff as bersntolerisch ist augòngen en oberel 2006 gèltsgott en de zuazoln vourstellt asn stòttgasetz as stitzn de storische sprochminderhaitn (de n. 482 va de 15 van schantònderer 1999). Van 2008, jor benn as ist kemmen gadruckt s doi provinzal gasetz (L.P. va de 19 van prochet 2008, n. 6), de Provinz va Trea’t leik en bilanz an zuazol ver za stitzn de sprochminderhaitn asou za versichern de richtegen strumentn ver za gem gilt en de storische sprochminderhaitn as sai’ en trentin ont s rècht van doin gamoa’schòftn za hom de nochrichtn as de aigene earste sproch.
Pet de untertitln as balsch, de bersntoler nochrichtzait pfiart va de Antonella Moltrer kimmp schaung galòk òll boch as en Trentino TV (sender 10 van telekomando) s earste vòrt en sòmsta um 18.10 ont bider s glaiche en sunta no der regional TG, um 13.15 ungefèr.
As de sait van Bersntoler Kulturinstitut ist moglech sechen bider de trèffen van gònze jor.
Der doi ist der link bou za schaung: https://www.bersntol.it/Risorse/Sim-to-en-Bersntol
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
