Zerimonia de premiazion ai 15 de november del 2025, da mesa les 3 domarena, te senta del Istitut Cultural Ladin “majon di fascegn” a Sèn Jan

Premie “Caterina De Cia Bellati Canal” – la pruma premiazion sot la gestion del Istitut Cultural Ladin “majon di fascegn”

[Ladino] En sabeda ai 15 de november da mesa les 3 domarena, aló dal Istitut Cultural Ladin “majon di fascegn” Sèn Jan, te Fascia, sarà la premiazion del Premie “Caterina De Cia Bellati Canal”, recognosciment anuèl metù su del 2007 dal enjegner Alberto De Cia per ecordèr sia femena, la Contessa Caterina De Cia Bellati Canal, glotologa e studiousa del lengaz de Timau/Tischlbong.
L Premie l é resservà a publicazions, teses de laurea magistrèles e de dotorat dedichèdes a la spezifizitèdes antropologiches, culturèles e linguistiches del raion alpin, e l à chela de valorisèr la enrescida scientifica e la produzion culturèla te setores desche apontin l’antropologia, la storia, la linguistica, la soziologia, l derit e l’economia.
La edizion 2025 l é n moment particolèr ajache se trata de la pruma edizion do che la gestion del Premie la ge é stata data su al Istitut Cultural Ladin “majon di fascegn”, che da chest an l coordenea l Premie en colaborazion col Istitut Ladin Cesa de Jan de Col, l Istitut Ladin Micurà de Rü de San Martin e la Université Lëdia de Balsan.
Endèna la zerimonia ge vegnarà consegnà i recognosciments ai venjidores de la trei categories pervedudes (con premies per 6.000 euro en dut) e vegnarà segnalà, se n sarà, operes meritegoles. La partezipazion al event la é averta a duc.