Manà fora su Trentino Tv l program l vegn endrezà dal Comun General de Fascia

“Pedies”: per en sabeda ai 6 de setember vegn fora la puntata #502 del program ladin per la televijion

[Ladino] Ence chesta setemèna l é a la leta l nef apuntament de “Pedies”, rotocalch ladin de informazion, ruà a la puntata n. 502.
I argomenc de chesta setemèna l é:
Na maor informazion per formaes tradizionèi fac col lat cruf, per na maor segureza e cognoscenza.
Spretz Tzaorì e l Cher de Fascia, l é i inomes di formaes locai; ma l é ence chela magnadives pericolouses per bec che à manco che 10 egn, per femenes autramenter e persones scherpentes ajache l é stat jent che la é stata mèl a cajon del baterie escherichia coli. Ades co la neva regoles e na dreta informazion, i consumadores i é più segures, i empèra a cognoscer i formaes e a i cercèr zenza cruzies.
L Pian di Joegn la Risola, per chest uton che vegn, l perveit de meter a jir 4 projec neves ouc ai joegn anter i 11 e i 35 egn. Ence chest an l Pian di Joegn l vegn endrezà de gra a persones e sociazions lezitentes, en colaborazion col Comun General e i comuns de Fascia. L fin l é chel de tor su i besegnes di joegn, ge dèr na responeta e fèr rei sul teritorie. Duta la informazions se les troa su la piata internet del Pian di joegn la Risola, sun sie Instagram e Facebook.
Tinultima, te chesta puntata vegn portà dant n nef apuntament de la rubrica “Zebicher: per veder più davejin”. Instouta Ve porton a vijitèr l Museo Ladin de Fodom metù su del 1996 col fin de documentèr la storia e la cultura de chesta valèda leèda per secoi alalongia al rest de la Ladinia e al Prinzipat del Vescof de Persenon. Col didament del diretor conteron de la vita da zacan, di aspec etnografics e antropologics. N Museo che l vel ence esser spieie de na identità da respetèr, tegnir su e portèr inant.