Traduzione in ladino
“Pedies”: per en sabeda ai 22 vegn fora la puntata #474 del program ladin per la televijion
Manà fora su Trentino Tv l program l vegn endrezà dal Comun General de Fascia
[Ladino] Ence chesta setemèna l é a la leta l nef apuntament de “Pedies”, rotocalch ladin de informazion, ruà a la puntata 474.
I argomenc de chesta setemèna l é:
L percors del giornalist fascian Silvano Ploner, da sia pruma esperienzes coi articoi per ladin per la Usc di Ladins e RTTR enscin anchecondì, doventà telecronist sportif RAI.
Da dezember en ca l é avert endodanef l zenter traumatologich de Sèn Jan. La Conseiera de Procura Mirella Florian la recorda che sun nosc teritorie l é a la leta chest servije, gestì da la Azienda provinzièla per i servijes sanitères. L zenter traumatologich, avert duc i dis, l arsegurea n servije sanitèr publich per tratèr traumes mendres per chi che no l é debesegn de jir de prescia te ospedèl.
N nef spuntament de la rubrica “Lesc: cuchèr te ogne piz e cianton”. Chesta outa sion a Mazin a la Gasthaus zum schwarzen Mann, ciasa Cassan, n fabricat rich de èrt, storia e cultura che l é stat fat fora da pech.
I report de chesta setemèna, enjigné da Riccardo Zanoner, Angela Pederiva e Sabrina Riz, i vegn porté dant da la ousc de Sabrina Riz.
Metù a jir col sostegn del Comun General de Fascia, de la Provinzia autonoma de Trent e de la Region autonoma Trentin – Südtirol,
“Pedies” l va fora su Trentino Tv – canale 10 de TN- vigni sabeda da les 18.00 (sie da sera), de domenia da les 13.30 (mesa la does domesdì) e de lunesc da les 11.30 (mesa les doudesc).
L program ades l va fora ence sun AltoAdige TV – canal 11 de BZ - vigni domenia da les 18.00 (sie da sera).
Se pel veder duta la puntates ence sul canal YouTube de TV Ladina sot chest link:
https://www.youtube.com/@TvLadina
opuramenter se pel veder i servijes un a un su la piata Facebook de TV Ladina.
https://www.facebook.com/TelevijionLadina
Traduzion di Servijes Linguistics e Culturèi del Comun general de Fascia
(us)
Immagini
