Traduzione in ladino

“Pedies”: per en sabeda ai 10 de mé vegn fora la puntata #485 del program ladin per la televijion

Ence chesta setemèna l é a la leta l nef apuntament de “Pedies”, rotocalch ladin de informazion, ruà a la puntata n. 485.
I argomenc de chesta setemèna. Ai 4 de mé la comunanza de Fascia la é jita a litèr per i comuns e per l Comun General de Fascia; porton dant i ejic anter neves e confermes. Defat ti paijes de Cianacei, Mazin, Sèn Jan, Soraga e Moena l é stat confermà i medemi ombolc, a Ciampedel l nef ombolt l é Alessandro Bernard, jà vize, e per l Comun General de Fascia l nef Procurador l é Edoardo Felicetti.
Ai 5 de mé l’é la dì de la bandiera ladina, la bandiera dai 3 colores. Per recordèr chest dì dassen emportant per duc i ladins de la Dolomites, l enrescidor de storia locale Cesare Bernard ne porta dant n aprofondiment su la storia de la bandiera ladina.
Te la rubrica “Svampol ciatarul, jent che fèsc jerveèr sie cunst” se porta dant Giampaolo Crepaz da Soraga, carozier che na outa jit en penscion l à dezedù de se endrezèr na berstot olache l laora col legn, ajache l à n gran gust per l zipièr e l lurier da tisler.