Manà fora su Trentino Tv l program l vegn endrezà dal Comun General de Fascia
“Pedies”: l é fora la puntata #468 del program ladin per la televijion
Ence chesta setemèna l é a la leta l nef apuntament de “Pedies”, rotocalch ladin de informazion, ruà a la puntata 468.
I argomenc de chesta setemèna l é: l Tour de Ski 2025 do la pruma cater garejèdes a Toblach l é ruà endodanef te Fiem. La famousa garejèda, valevola per la Copa del Mond, la é stata metuda a jir aló dal Stadie de paslonch de Lago endèna la fin de setemèna dai 3 ai 5 de jené. Al Tour à tout pèrt ence i atlec da Moena Giovanni Ticcò e Caterina Ganz; l spetacol “Hänsel und Gretel”, na raprejentazion lirica de la famousa contia di frèdes Grimm. L spetacol l é stat portà dant la dì de Pèsca Tofenia aló dal teater Navalge de Moena per endrez de la scola interegionèla de teater e per ciantèr de la Sociazion “Le Muse e le Dolomiti”, col sostegn di Comuns de Moena e Falcade e de Moena eventi e Promo Falcade; n auter apuntament de la rubrica “Svampol ciatarul: jent che fèsc jerveèr sie cunst”. Chest’outa vedaron na sort de èrt mingol fora de anter. Gianluigi Chiocchetti del Tin ne fajarà veder coche l depenc col vin.
I report de chesta setemèna, enjigné da Riccardo Zanoner, Angela Pederiva e Sabrina Riz, i vegn porté dant da la ousc de Sabrina Riz.
Metù a jir col sostegn del Comun General de Fascia, de la Provinzia autonoma de Trent e de la Region autonoma Trentin – Sudtirol, “Pedies” l va fora su Trentino Tv vigni sabeda da les 18.00 (sie da sera), de domenia da les 13.30 (mesa la does domesdì) e de lunesc da les 11.30 (mesa les doudesc).
Se pel veder duta la puntates ence sul canal YouTube de TV Ladina sot chest link: https://www.youtube.com/@TvLadina
Se pel veder i servijes un a un su la piata Facebook de TV Ladina: https://www.facebook.com/TelevijionLadina
Traduzion di Servijes Linguistics e Culturèi del Comun general de Fascia
(cdt)
Immagini
