Traduzione in ladino
“Pedies”: l é fora la puntata #464 del program ladin per la televijion
Manà fora su Trentino Tv l program l vegn endrezà dal Comun General de Fascia
[Ladino] Ence chesta setemèna l é a la leta l nef apuntament de “Pedies”, rotocalch ladin de informazion, ruà a la puntata 464.
I argomenc de chesta setemèna l é: l é vegnù fora l quinto codejel de la colana endrezèda dai Servijes linguistics e culturèi del Comun General de Fascia “Enter e se fèr entener” dal titol “Jir a proveder, cojinèr e magnèr a na vida ecosostegnibola e sèna”, scrit da la colaboradora Doris Valentini. Duc i codejie de la colana i é scric te 4 lengac – ladin, talian, todesch e ingleis – e i é a la leta debant; la clas 4^ LAF del Liceo artistich de la Scola Ladina de Fascia l à lurà fora n calandèr coi fiores da mont. Chest lurier, fat per ladin e ingleis, l ge à ence dat l met a la studentes de cognoscer zeche de più sui fiores de grà al didament del espert Alberto Chiocchetti; te la rubrica “Svampol ciatarul: jent che fèsc jerveèr sie cunst”: aon cognosciù Claudio Boso, n om partì da Fascia con pech che se à vadagnà n post de nonzech anter i manager taliegn.
I servijes de chesta setemèna, enjigné da Riccardo Zanoner, Angela Pederiva e Sabrina Riz, i vegn porté dant da la ousc de Angela Pederiva.
Metù a jir col sostegn del Comun General de Fascia, de la Provinzia autonoma de Trent e de la Region autonoma Trentin – Südtirol, “Pedies” l va fora su Trentino Tv vigni sabeda da les 18.00 (sie da sera), de domenia da les 13.30 (mesa la does domesdì) e de lunesc da les 11.30 (mesa les doudesc).
Se pel veder duta la puntates ence sul canal YouTube de TV Ladina sot chest link: https://www.youtube.com/@TvLadina
Se pel veder i servijes un a un su la piata Facebook de TV Ladina: https://www.facebook.com/TelevijionLadina
Traduzion di Servijes Linguistics e Culturèi del Comun general de Fascia
(cdt)
Immagini
