Ber ’z magda nemmen toal un baz ma mage tüan
Nå in sèll boda auzmacht dar briaf ågenump, dar schütz mage khemmen gètt in fraiböllege un in sotzialn feroine inngeschribet in RUNTS, åndre feroine, di stiftung (auz baz di sèlln augehaltet vodar autonome Provìntz vo Tria) un åndre privàtt emtar boda nèt håm in zil zo gebinna, di Kamöündar, di Toalkamöündar/Etsch Tal, di formatìf istitutziongen boda håm soin setz in di provìntz vo Tria.
’Z mangda khemmen geschützt di prodjèkte un di initziatìvan bodase haltn in di lentar vodar provìntz boda vürleng ummana odar mearare zbisnen disan ativitét:
• vürvüarn un machan khennen da stòrege, kulturàl odar da rèchtliche stòrdja vodar Autonomì von Trentino;
• gem vèrt dar kultùr vodar Autonomì, daz earst zbisnen in djungen djeneratziongen;
• auzvennen, gem vèrt, un machan khennen simboln vodar Autonomì
• machan studje odar nåsüachan übar dar Autonomì
• machan vorstìan pezzar di vèrt vodar Autnomì pitt naüge struméntn.
Dise initziatìvan mang khemmen vürgevüart pitt auzlegom, labör, odar machante musìk, teatro, kino, tentz, un åndre kunst.
Di prodjèkte mochan vürvüarn umman odar mearare vèrt vodar Autnomì: responsabilitét, toalnemmung, sèlbartredjarn, lem un mittarbatn übar di grentzan åna straitar, solidarietét un gehöarung inar kamòuschaft, darkhennen in zunglich pluralismus. ’Z mangda nèt khemmen geschützt libadarn.
Protzedùr un baz ’z magda khemmen gezalt
Di vorsch bartrn mochan khemmen inngètt dar provintziàl struktur boda hatt kompeténtz übar machan khennen un gem vèrt dar autonomì, in di zait un asó azpe da bartn auzmachan di auzschraibung. Di struktùr bart drauschang afte vorsch inngètt – boda bartn khemmen geschètzt vonan khnopf laüt zuargelekk garade vor daz sèll – dena bartze nidarleng un ånemmen in roatordnung von prodjèkte boda soin khent ågenump un håm rècht zo haba in schütz un an lestn bartze zuargem in schütz sin azta bart soin genumma gèlt.
’Z magda khemmen gezalt bazta iz khent gezert auzolega un zo macha in prodjèkt odar di initziatìf, bazta khint gezert zo macha didaktìk un divulgatìf geplèttra, bazta khint gezert herzorichta un zo macha khennen di initziatìvan, un darzuar bizzaschaftege un informatege konsulentzan, dianst ummazovüara, grafìk prodjèktatziong, arbat gètt in profesionìstn, tipografege dianst, zaln berda redet, un bazma zert vor übarsetzung.
Übarsetzt von Schaltarle vor di zung von Toalkamou vodar Zimbar Hoachebene
