As de draizena van prochet bart u’heiven der trèff der Giovanni Gardelli, iberòll viarer van Dipartiment urbanistik, strom, kataster, grunttisch ont lòntzòmmhòlt va de Autonome Provinz va Trea’t ont van Gianluca Cepollaro, vourstea’ner van TSM-STEP Schual ver za regiarn en ourt ont de aussicht, asn tema “Vernaiern de lòntschòft ont biderlem va de gamoa’schòft”. S bart envire gea’ pet en technische trèff “Architektur ont vernaiern de alpineplatz” pet en vourstell va mearer praich ver za biderherstelln ont auspaun pet architekturn as mòchen toal van praich van Alpn.
En sòmsta as de viarzena van prochet barts kemmen òcht gem en “sistem Hoff” ont iberhaup en de sozial, kulturaln ont birtschòft ont as gem nutztn aspektn. En zòmsta en de vria bartn toalnemmen der provinzal assessor en de urbanistik, strom, verkear, sport ont schutzplatz Mattia Gottardi ont der president van TSM Francesco Barone. En nomitto van sòmsta, kan Filzerhof, ist en programm de innbaich va de ausstell “SGUARDI/PLICK De heff van Bersntol”. A gschicht va bersntoler architektur, an rif no jorhundert va zòmmlem zbischn s mentsch ont de natur.
En de zboa link do untn der programm van zboa ta ont de moglechkaitn ver za schraim se inn:
As de 13 van prochet um 10.00 en de vria kan Gamoa’sol en Palai en Bernstol: https://www.tsm.tn.it/attivita/edilizia-rurale-tradizionale-e-rigenerazione-del-paesaggio-alpino/
As de 14 van prochet um 10.00 en de vria kan Gamoa’sol ont nomitto van Filzerhof: https://www.tsm.tn.it/attivita/il-sistema-maso-comunita-e-cultura/
Derzua de plakatn van zboa ta.
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
