Mercoledì, 25 Marzo 2026 - 17:25 Comunicato 774

As de 14 van oberel der earste trèff asn tema van steln
Laicht digital, s vongen bider u’ de online seminarn

Traduzione in mòcheno

[Mòcheno] Abia kònn men kennen s online steln? Abia mu’ se hèlven de  artifizial intelligenz en lem va òll to? De beiln rèchtn ont bos miast men tea’ benn as men praucht de digital technologie? Ver bos praucht er der TreC? De omportn en de doin ont en òndra vil vrong barn kemmen gem bail de online seminarn van projekt “Laichtn digital punkt” as kimmp bider gamòcht en 2026 aa. Der projekt, offet en òlla de lait, kimmp envire trong va de Autonome Provinz va Trea’t pet de zòmmòrbet va TSM - Trentino School of Management, ont hòt abia zil der sèll za versterchern de digitalkompetenzn van trentiner.

De nain seminarn barn u’vòngen en eirta as de 14 van oberel 2026, pet an trèff ver de onlinesteln ont en de moglechkaitn za prauchen ver za schutzn se. En de trèffn as no kemmen bart men klòffen va Artifizial Intelligenz (as de 12 van moi), digitalstòttkear (as de 16 van prochet) ont TreC (as de 23 van prochet).

Òlla de trèffn barn kemmen gamòcht en de glaiche stunn, va um vinva finz um secksa nomitto. Sechen de seminarn, van aigene PC oder smartphone, ist vrai ont umensist, ober men miast se innschraim.

Do òlla de nochrichtn ver za schraim se inn ont toalnemmen: https://www.tsm.tn.it/attivita/punto-digitale-facile-seminari-online-2026/  .

Der projekt Laichtn digital punkt kimmp zuazolt van PNRR en projekt “Nètz van dinstn van digitalverlaichtern” van Dipartiment ver en Digitalbècksl va de Presidenz van Ministerrot. PNRR - M1C1 PROJEKT 1.7.2 “NÈTZ VAN DINSTN VA DIGITALVERLAICHTERN” ZUAZOLT VA DE EUROPEISCHE UNION  – NEXTGENERATIONEU - CUP: C49I23000110006 

Ibersetz gamòcht van Sprochtirl va de Tolgamoa'schòft Hoa Valzegu' ont Bersntol

(cdt)

Fonte: Ufficio Stampa

Versione Stampabile

Immagini

Visualizza

Potrebbero interessarti: