Der rot van jungen Eusalp ist gamòcht va 28 toalnemmer (viara ver an iatn alpinedorf) as plaim ver a jor, ont meing sai’ vernaiert ver an ònders jor.
A plòttform iber de grenzn ver en empowerment van jungen
Der rot van jungen hòt a plattform asou as de jungen mein toalnemmn en òlls sèll as ist za u’stimmen van orgln van Eusalp ont versichert as sèll as de tschbinnen kimmt galisnt. De toalnemmer miasn hèlven za mòchen politik ont projektn ver de alpn as hom de bichtestn riven. De meing rotn òrbetn, projektn ont naiekaitn, vourstelln idee en de politiker van Stòttn ont van regionen as mòchen toal va Eusalp ont sensibilisiarn as de europeische ausònderkaitn va òll region. De jungen tea’se organisiarn ont learnen za nemmen toal en de demokratische sòchen pet verschidena sprochen ont kulturn. Va de ònder sait Eusalp leart van jungen za nemmen au naia ideen van lait as barn as de Alpn lem.
Der rot trèfft se viar oder vinf vert ver òll schicht ont bail en jor der tuat zòmmòrbetn pet tematische gruppn ver za tschbinnen naia òrbetn turch telematische virtualn mittln. De jungen as sai’ kemmen u’zòk miasn tschbinnen en a pahòltlege riarn se, zòmmhengen se en òndra naia òrbetn ver de jungen, òrbetn ver de zukunft van alpine regionen ont sensibilisiarn asn natural ont kultural pahalter van Alpn.
Vrong finz as de 31 van moi 2025
De jungen enteressiart hom bail finz as de 31 van moi ver za u’melln se durch de sait https://alpine-region.eu/alpine-youth/get-involved . Der Jungenrot hòt der zil za drautschbinnen en ònderst sai’ en de alpn, ver dòs bart men schaun za tschernen junga kandidatn as sai’ van sim Lander Eusalp noch va bou as de kemmen, mander baiber ont schoa gaòrbetet hom en organizzazionen pet de jungen.De Stòttn ont de Regionen Eusalp barn zoln de kostn van biasn ver de trèffn ont manifestazionen bou as toalnemmen de toalnemmer van Rot ont barn gem hilf ont support.
Der Jungenrot ist zuazolt van projekt Spazio Alpino Interreg “Support Eusalp” bou as ufficialet partner ist de Region Provenza-Alpi-Costa Azzurra. Zòmm en doi projekt de Region Bourgogne-Franche-Comtè ist vourstea’ner van òrbetn gamòcht ver de jungen. Ont nou en 2025 de zòmmpresidenz Osteraich/Liechtenstein va Eusalp gip an groasn bèrt ver en zòmmòrbetn pet de jungen.
Ver za bissn eppes mear:
Sito van Jungenrot van Eusalp: https://alpine-region.eu/alpine-youth
Informazionen as en Eusalp: https://alpine-region.eu/
Derzua: plakat
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
