Jir, vegnir de retorn, restèr: ai 11 de setember vegn endò metù a jir la Jebia culturèla
Traduzione in ladino
[Ladino] L'Euregio la ve envia, en colaborazion co la Casa della Pesa e l istitut cultural ladin Micurà de Rü, a na sera culturèla ladina aló da la senta de l'Euregio te la “Casa della Pesa” de Busan: en jebia ai 11 de setember del 2025 da les sie da sera, te via dei Portici 19.
Event debant, posć limité.
En ocajion de la “Jebia culturèla” de l'Euregio, en jebia ai 11 de setember a Busan, joegn autores de la Val Badia i descorarà di argomenc de la partegnuda e del stèr de cèsa, tras musega, poejia e èrt. En ocajion de chesta sera culturèla fora de anter aldò del dit "Jir, vegnir de retorn, restèr", vegnarà rejonà de co cognoscer da nef, tras fojes desvalives de esprescion artistica, l leam fon, ence se no semper chièr, anter la persona e sie teritorie.
Do i saluc dantfora de la profesora universitaria Ulrike Kindl, Nadia Moling la portarà dant la sera dessema co la musega del grop rap "Cooperaziun Planta". Al event tolarà pèrt l’autora Lucia Piccolruaz e la dessegnadora Silvia Baccanti.
Se pel tor pèrt al event, che l vegnarà metù a jir per talian, todesch e ladin, debant, fin canche l é posć a la leta.
Dal 2022 inant l'Euregio Tirol-Sudtirol-Trentin e la sociazion culturèla Casa della Pesa i porta dant la scomenzadiva de la jebia culturèla: desche pont de scontrèda culturèla per duta la comunanza, la Casa della Pesa de
Busan la ge dèsc lèrga a n program de divertiment, seminaries e oportunitèdes de confront, tant per jent grana che per be.
Traduzion di Servijes Linguistics e Culturèi del Comun general de Fascia
(cdt)
Immagini
