S kemmen u’ganommen de òrbetn ver za meing prauchen s bòsser en pèrg, abia de balder, de vòssn, de zisterne ont de trenker, s sai’ inngahòltn de innrichtn va plònznrain. Men stitzt nou s vernaiern van pèrgbisn as sai’ semm galòck kemmen ont s verpessern van habitat va de nètz Natura 2000. Der bando unterstitzt de zai’ va holz ont de konservativ ausricht van sèlln va stoa’, derzua benns men bill van pa’mblerzai’ oder plònznzai’, asou abia naia elektresche innrichtn ver za schutzn de vicher van vlaischvrèsser ont strukturn ver za schutzn de haisler van painkastler (Bienenhaus).
Der paitrog luckt der 70% van kost as kimmp u’ganommen finz as nèt mearer abia hundert tausnt euro ver vroger, prozent as mu’ kemmen gaheift finz asn 80% benns sai’ òrbetn tschbunnen van balderschòftn. S meing vourstelln de vrog de pauern ont de sèlln as prauchen s vèlt, as de meing sai’ òllgamoa’n oder privatn aa, ont nou pauern, de sèlln as pain hom, ont de schòftn ont de konsorzi aa.
De vrong meing kemmen vourstellt lai online vour de 30 van prochet 2025, turch an portal van provinzal lòntschòft informatische sistem SRTrento, van adress https://srt.infotn.it/ oppure tramite il sito https://a4g.provincia.tn.it/ .
Òlla de nochrichtn konn men sa vinnen as de istituzional sait van Balder Dinst ( https://forestefauna.provincia.tn.it/Foreste/Attivita-forestali/Contributi-allo-sviluppo-rurale-PSP-2023-2027 )
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
