Mear abia 2.400 letratn ver en letratprais. Ver de earste sait ist kemmen tschèrlt an letrat van Fernando Tait va Mezzocorona

Euregioklender 2027, va de 30 van schanmikeal kimmp er ausgem

[Mòcheno] S ist noch za kemmen der Euregioklender 2027: pet president van Euregio ont kapitan van Tirol Anton Mattle ont va bem as hòt gamòcht de letratn tschèrllt ver de doi edizion, ist kemmen vourstellt en sunta as de 25 van schanmikeal ka Innsbruck ont men hòt embiart za gem en aus en de drai eirter. Benn as ist garift der letratprais sai’ kemmen tschèrllt 49 letratn ont der sèll van Fernando Tait va Mezzocorona kimmp galeik en de earste sait. En sai’ letrat, zboa martin pescatori as kraizn de bèckn en a geometrischeform. As de sait van an iats mu’net hòt s òndra letratn, pet groasa pilder aloa’ ont pet collage va drai’ letratn. 
Mattle hòt kein as der ist vroa van mear as 2.400 letratn as sai’ aribart: “s  groas toalnemm van Tirol, Sudtirol ont Trentin, ma gor de groas vrog van klender òll jor, unterstizn der interes ver en Euregio ont de sai’na umbèltn, kulturn ont social ist òlbe glaich”.
Gor der President va de Autonome Provinz va Trea’t Maurizio Fugatti ont der President va de Autonome Provinz va Poazn Arno Kompatscher tea’ innlon de lait van Euregio za trong hoa’m oder as de òrbet der klender, der sèll za leing asn tisch oder ka mauer au, za sechen a mu’net no s ònder de unterschichtn van Euregio Tirol-Sudtirol-Trentin. Der projekt gip gilt en de òrbet va bem as hòt gamòcht de letratn as hom toalganommen: iber de grenzn, de sai’na pilder lòng sechen mearer punktn van lem, va de umbèlt ont van ausòndern dinger van drai’ eirter. Asn klender vinnt men gor nochrichtn as de eirter ont as de dinstn van Euregio, rezeptn ont rotn ver de pèrngring.