Prais Djunge Nåsüachar
’Z mangse innschraim in Prais Euregio Djunge Nåsüachar, nåsüachar un nåsüacharen untar di 35 djar, lai azza håm vürgevüart soi arbat in an nåsüachar Institùtt von Euregio odar azza khemmen von Euregio, siånka azza håm gearbatet in an nåsüachar zentrum in aniaglan platz vodar bèlt.
Di arbatn, nidargeschribet atz inglés, mang khemmen kandidàrt in di kategorìan “ekonomike, sotzialege, rèchtliche bizzschaft, edukatziong bizzschaft un mentschliche bizzschaft” un “tèknesche bizzschaft, naturàl bizzschaft un Heilkunde (medicina)”. Di prais vor di earstn drai bartn soin: 4.500 euro vor in earst, 2.000 vor in zboate un 1.000 vor in draite.
Bia un baz un in formulàr innzoschraibase venntmase afte sait von prodjèkt: www.euregio.info/it/youngresearcher/ .
Zo haba mearare informatziongen makma vorsan dar referénten von prodjèkt Euregio Martina Senoner (tel.: +43 512 508 2358, e-mail: martina.senoner@euregio.info).
Prais Vornaügarung von Euregio
Pinn Prais Vornaügarung von Euregio, di frmen, boda zuarkhemmen von gåntz Euregio, boda håm auzgevuntet naüge sachandarn, teknolodjìan un dianst mangse kandidàrn in di naüng kategorìan “Kontzèpte/Protòtipe” un “Business Mustarn/Vestege Produkte”, zoagante soine sachandarn odar idee.
Di prais vor di earstn drai vor aniaglana kategorì bartn soin: 9.000 euro vor in earst, 2.000 vor in zboate un 1.000 vor in draite. Dar earst prais haltet inn an earstn toal pitt gèlt (in gåntzan 4.500 euro) un vor in åndar halbe toal, dianst zo machase khennen gètt von adjentzìan marketing von ünsarn lentar.
Bia un baz un in formulàr innzoschraibase venntmase afte sait von prodjèkt: www.euregio.info/innovazione/ .
Zo haba mearare informatziongen makma vorsan dar referénten von prodjèkt Euregio Silvia Ramoser (tel.: +43 512 508 2352, e-mail: silvia.ramoser@euregio.info).
Übarsetzt von Schaltarle vor di zung von Toalkamou vodar Zimbar Hoachebene
