Prais Junga Untersuacher
S meing toalnemmen en Prais Junga untersuacher, de untersuacher ont untersuacheren unter de 35jor, as miasn hom gamòcht de òrbet en oa’n van suach institutn van Euregiuo oder as sai’ van Euregio, aa benn de òrbetn en an òndern institut van an iata sait va de bèlt.
De òrbetn, tschrim as englesch, meing kemmen vourtrong en de kategorie “Birtschòft bissnschòftn socialn bissnschòftn, rèchtbissnschòft, lear bissnschòftn, ont mentsch bissnschòftn” ont nou “ Techniker bissnschòftn, naturaln bissnschòftn ont medizin”. De prais ver de earstn drai sai’ va 4.500, 2.000 ont 1.000 euro.
Informazionen ont toalnemmen kòftn sai’ as de sait van projekt: www.euregio.info/it/youngresearcher/.
Ver òndra vrong mu men riaven s u’stellte mentsch ver en Euregio de Martina Senoner (tel.: +43 512 508 2358, e-mail: martina.senoner@euregio.info).
Prais Naikait van Euregio
Pet en Prais Naikait van Euregio de bèrkn as kemmen van gònze Euregio as produktn, teknologi ont naia dinstn paut hom, meing toalnemmen en de nain kategori “Konzeptn/Prototipn” ont “Modeln van business/Konsolidiartn produktn” pet en naia produktn oder o’nungen inntrong.
De prais ver de earstn drai projektn van an iata kategori sai’ va 9.000, 2.000 ont 1.000 euro. Der earste prais ist toalt en s hòlb en gèlt (4.500 euro) ont en s hòlb en dinstn va PR gem va bèrkn va marketing van lònt.
Merera dinger ont der model ver za schraim se inn vinnt men af de sait van projekt: www.euregio.info/innovazione/.
Ver mearera nochrichtn vrok men za klòffen pet en referent Euregio Silvia Ramoser (tel.: +43 512 508 2352, e-mail: silvia.ramoser@euregio.info).
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
