Pest Joegn Enrescidores
Pel se candidèr al Pest Euregio Joegn Enrescidores under 35, a condizion che i abie lurà fora so studie
te n istitut de enrescida del Euregio o che i fossa da n raion del Euregio, enceben che i laora foravia o te n istitut de enrescida te ogne pèrt del mond.
I lurieres, scric ju per ingleis, i pel vegnir mané ite aldò de chesta categories: “Scienzes economiches, sozièles, giuridiches, scienzes de l'educazion e scienzes umanes” e “Scienzes tecniches, scienzes naturèles e medejina”. I pesć per i prumes trei classifiché i è respetivamenter, de 4.500, 2.000 e 1.000 euro.
Autra info e l formulèr per manèr ite la candidatura i é a la leta sot la piata del projet: www.euregio.info/it/youngresearcher/ .
Per de autra informazions se pel se oujer a la referenta Euregio Martina Senoner (tel.: +43 512 508 2358, e-mail: martina.senoner@euregio.info).
Pest Inovazion de l‘Euregio
Col Pest Inovazion de l‘Euregio la firmes che vegn da duta l'Euregio e che les à svilupà prodoc, tecnologies e servijes inovatives les pel se candidèr te la neva categories “Conzec/Prototipes” e “Modie de business/Prodoc segures”,
col portèr dant prodoc o idees.
I pesć per i prumes trei projec classifiché per ogne categoria i è en dut respetivamenter de 9.000, 2.000 e 1.000 euro. L prum pest l tol ite per l mez na suma de scioldi (per 4.500 euro) e per l auter mez, servijes de PR che i vegn metui a la leta da pèrt de la agenzies de marketing teritorièl.
Autra info e l formulèr per manèr ite la candidatura i é a la leta su la piata de projet: www.euregio.info/innovazione/ .
Per de autra informazions se pel se oujer a la referenta Euregio Silvia Ramoser (tel.: +43 512 508 2352, e-mail: silvia.ramoser@euregio.info).
Traduzion di Servijes Linguistics e Culturèi del Comun general de Fascia
