An trèff ver za lòng schaung en de gamoa’schòft òlla de òrbetn gatu’. Druck konferenz um 11.30 ka de Pfòrr kan Stèffenar
En Palai en Bersntol en somsta as de 7 van òlderhaileng innbaich van òrbetn van PNRR
Traduzione in mòcheno
[Mòcheno] En somsta as de 7 van òlderhaileng s bart se hòltn der ufficialet to ver za lòng schaung en de gamoa’schòft de òrbetn gatu’ en projekt PNRR: s barn kemmen inngabichen s Innaus as mòcht toal van projekt “Arca van sprochen”, der nai’ plòtz pet de kunstinstallazion “Desnatureza 8” va Henrique Oliveira, kuriart va Arte Sella ont òlla de òndern òrbetn as sai’ kemmen gamòcht ver en lònt. En doi to barn toalnemmen der president va de Autonome Provinz va Trea’t Maurizio Fugatti, der pirgermoaster va Palai en Bersntol Franco Moar ont de presidenten van Bersntoler Kulturinstitut Patrizia Bocher ont nou de vourstea’ner va de Fondazione Museo Storico van Trentin, TSM - Trentino School of Management ont Trentino Marketing. En moment va de innbaich barn klòffen aa der president va de Tolgamoa’schòft Hoa Valzegu’ ont Berstnol pirgermoaster va Oachpèrg aa ont de pirgermoaster va Vlarotz ont Garait.
Der trèff ist offet en òlla: men bart meing sechen òlla de nain sitzn ont zòmmlem an moment bichte ver en zukunft van dorf.
S bart hom de druck konferenz um 11.30 ka de Pfòrr kan Stèffenar.
De kollegn giornalistn sai’ inngalònt.
Der doi ist der programm van to:
- um 10.30 - Arca va de sprochen: s barn klòffen u’stelltn va de Fondazione Museo Storico van Trentin, van Bersntoler Kulturinstitut, va TSM - Trentino School of Management ont Trentino Marketing.
- um 11.30 - ka de Pfòrr: druck konferenz
- um 12.15 - Innbaich van nai’ plòtz ont vourstelln de kunstinstallazion va Henrique Oliveira, pet de pirgermoaster van Tol
- um 13.00 - zòmmtrèff moment kan sitz van Pompiarn
- va um 14.00 finz um 16.00 Arca va de sprochen Innaus: offet viarung gamòcht van Berstnoler Kulturinstitut.
Derzua : lòntkòrt van platz
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
(cdt)
Immagini
