LUFT! ist drinn en baiter projetk “De kròft va de minderhait: bideraugea’ van an lònt pet taitscha burtzn en sud van Alpn”, unterstitzt va de Autonome Provinz va Trea’t unter en ring van PNRR. An ring as, en de leistn jarder, gaòrbetet hòt ver za verpessern s lem avn lònt ont ver za paun naia virm va attraktivitet, asou za hòlten de bersntoler identitet ont de sprochminderhait abia schlissl ver za riarn de tscherln ont de ben va de verpesserung. Unter en doi rom vinnt men de òrbet va TSM - Trentino School of Management aa, turch en Innricht Birtschòft van Turismus ont Lòntmarketing, as òrbetet ver za trong envir viar òrbetn as der rif hom za gem bèrt en de kultural, gschichtlege ont sproch lokalpahalter, no en de karaktern van tol ont va Valzegu’, ont pet de riven van PNRR.
Bail en Festival LUFT! òlls dòs bart envirtrong kemmen en an program as mearera richtungen hòt. De offegen òrbetn barn turch en tol gea’ pet en zentrum s riarn se ont de lemviarung, derbail der kultural programm, pet òrbetntrèffn, derzeiln ont vourtschbinnen ver de kinder ont ver de familie aa. Gèltsgott en de mittòrbet van Bersntoler Kulturinstitut s bersntolerisch ont s tea’ van lait barn protagonistn sai’. De talk barn autea’ ont plòtz long en temen abia s pintn se van lònt ont de pèrng, s bart hom aa an morket va hontbèrker zòmm pet de momentn ver za trèffen se ont de konzertn as barn mòchen vertraim de ta pet lust.
En dòs ist derzua de moglechkait za pasuachen a toal bichtega platz van tol - abia s Bersntoler Kulturinstitut, de austelltn platz iber en de gschicht van gruam ont de Gruab va Hardimbl - as s program baitern ont gem de moglechkait za vertiavern der kontèst van festival. An innlon mear abia a vourschlog. Za hòlten se au, za schaung, ont za leing en nètz.
Do s komplet program ont de virm za nemmen toal:
Der trèff ist gamòcht van TSM zòmm pet de partnerschip va de ApT Valsugana, pet de zòmmòrbet van Dinst Turismus ont Sport va de Autonome Provinz va Trea’t ont pet en unterstitz va de vraischòft Glow.
Derzua s plakatl.
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
