Lunedì, 02 Novembre 2026 - 13:02 Comunicato 3280

Bia nåzostiana in briavan boda ågian dar gesuthait, trètzan un Artifitziàl Inteligentz, aftz ditza bartma drauren
Didjitàl dèstar, tagung online offe vor alle

Traduzione in cimbro

[Cimbro] Bia funtzionàrta TreC+? Bia darkhenntma di trètzan online? Bia da Artifitziàl Inteligentz magaz helvan in lem vo alle tage? Zo rispundra disan vorsch bartnda khemmen augelekk tagung online pinn prodjèkt “Punkt Didjitàl Dèstar” boda ka herbest kheart auzolega drai trèff. Dar prodjèkt, offe vor alle di pürgar, iz augelekk vodar autonome Provìntz vo Tria pittnåndar pitt TSM – Trentino School of Management un hatt ’z zil zo macha kreascharn di didjitàln kompetentzan von trentinar.
Un'immagine che richiama la necessità di misure di sicurezza nel digitale [ © Tutti i diritti riservati]

Ma heft bidar å atz 10 von bintmånat pittnan operatìf trèff übar in dianst TreC+, machante khennen pezzar di bichtegarstn funktziongen. Atz 24 von bintmånat bartma ren von trètzan online un afte didjitàl sicharhait, bia zo darkhenna di trètzan un bia zo tüana zo schützase.

Ma spèrtt in earst von kristmånat pittnan argomént gåntz aktuàl: djeneratìf Artifitziàl Intelegentz in lem vo alle tage. Alle di trèff bartnse haltn in gelaichege orardjo, vo di vünve sin di sèkse in tages. Ma mage nemmen toal nützante soin komputer odar håntelefón un izta nèt mångl z’zala, ma ma mochtze inschraim.

Da venntma allz daz sèll boda iz zo mocha bizzan zo nemma toal: 

https://www.tsm.tn.it/attivita/punto-digitale-facile-seminari-online-autunno-2026/

Dar prodjèkt iz augehaltet pinn gèlt von Font vor da Teknologesche vornaügarung.

(cdt)

Fonte: Ufficio Stampa

Versione Stampabile

Immagini

Visualizza

Potrebbero interessarti: