De ear keart en de vraibellega jungen, organizazionen ont projektn iber de grenz

Derkennen de jung vraibelleket 2026, de vrong plaim offet finz as de 27 van hourneng

[Mòcheno] An prais aus de grenz ver de peistn jung vraibelleket: en 2026 der Trentin, der Südtirol ont der Tirol nemmen au de vrong ver za “Derkennen de jung vraibelleket - Glanzleistung peiste òrbet”, ver de gònze euroregion. De ear keart en de jungen as hom vraibellega dinstn gem en de gamoa’schòft en an ausònder vurm, as keart en ont ver mearer zait.
S barn kemmen tschèrlt nèt mear abia vinf òrbetn gamòcht van an oa’zege mentsch ont nèt mear abia zboa projektn vourstellt va gruppn, as toalmòchen va vraischòftn oder organizazionen as nemmen nèt au gèlt ont as hom der sitz en provinz va Trea’t, ver vraibellege òrbetn as hom gem nutzn as de lòntschòft van trentin. Men bart bèrt gem en projekt aus de grenz as hòt innganommen de vraischòftn ont de organizazionen as nemmen nèt au gèlt ont as toalmòchen van drai lander. Men bart miasn vourstelln de vrong vour en vraita as de 27 van hourneng 2026.
“Ber tschbinnen as s doi derstellt a bichtega moglechkait ver za gem gilt en de vraibellege òrbetn van jungen en Trentin, as bichte ist za kemmen derkennt. De vraibelleket ist a tschèrl as en de insern gamoa’schòftn stòrch ist ont as toal mòcht van òllgamoa’ pahalter”, hòt er tsòk der president va de Autonome Provinz va Trea’t Maurizio Fugatti.