Traduzione in mòcheno

De nainontdraiskeste Konferenz van Sprochminderhaitn vourgahòlten van asesor Marchiori

[Mòcheno] De hòt se gahòlten en mitta vria af de 20 van òlderhaileng en Sol Trentin, kan sitz va Piazza Dante de nainontdraiskeste Konferenz van Sprochminderhaitn, as vourgahòlten kemmen ist van provinzalasesor en de politik ver en haus, de pahalter, der demanio ont s unterstitzn van kennen de Autonomi Simone Marchiori, zòmm pet de viareren van Dinst ver de Sprochmonderhaitn ont de ausbendegen netzn Elisabetta Sovilla. Va vèrr sai’ gaben der regionalasesor Luca Guglielmi aa zòmm pet de vourstea’ner van ladiner, bersntoler ont zimber sprochminderhaitngamoa’schòftn, zbischn de beiln de lokal amministratorn, de toalnemmer van Amministrazionrotn van Kulturinstitutn ont va de Autoritet ver de sprochminderhaitn.
Marchiori hòt gèltsgott tsòk ver de lait as gaben sai’ ver en sai’ paitrog ver en schitz ont unterstitz van sprochminderhaitn ont hòt gadenkt der trèff van Provinzalrot va gestern, bail en beil hòt der asesor, pet òrbet gem van president Fugatti, iber de rèchtn van minderhaitn klòfft hòt. “De doi konferenz derstellt an envirgea’” der hòt tsòk, ont hòt gadenkt de sòchen gatu’ va de Provinzaljunta ver de platz bou as de sprochminderhaitn lem ont as am mearestn de problem van pèrgplatz lem.
Men hòt klòfft van punkt van petrèff, as hòt gahòp za tea’ pet en dinst za gem aus de osterraicher kanaln Orf1 ont Orf Sport en de platz van sprochminderhaitn, ober avn gònze provinzallònt aa, ver en beil as men geat keing a verpesserung, ont as kirzlech ausgea’ miaset, asou as men sa sechen mu en platz as pet en earste vourtschbinn nèt galuckt gaben sai’, abia zan paispil de Lenzer en Bersntol.
“S ist a moglechkait ver òlla de lait va de Provinz, as en doi vurm de moglechkait hòt za hearn a sproch as glaim ist ont ver de sprochminderhaitn ist a moglechkait za sechen telebisionprogram en de sproch as mear glaim ist: a bichtega naikait en de beil de Provinz glap”, hòt nou der Marchiori tsòk.