Lunedì, 07 Settembre 2026 - 12:16 Comunicato 2537

U’nemm van Zòmmtrèff van sprochminderhaitn. Marchiori: “mòchen mearer sprochstrumentn ver òlla de lait”
De kanai ORF1 ont ORF Sport, u’pfonkt de òrbetn ver za gea’ envire pet de trasmissionen ver òndra drai jor

Traduzione in mòcheno

[Mòcheno] S geat envire ont s kimmp stercher s ensint va de Autonome Provinz va Trea’t ver en schutzn van sprochminderhaitn ont s kultural zòmmplaim van Euregio. Der zòmmtrèff van Sprochminderhaitn bou as toalnemmen de amministratorn ont vourstea’ner van istituzionen ont van dinstn ver de gamoa’schòftn va ladiner, bersntoler ont zimbern - as hòt se pfuntn en eirta as en earste van leistagest, vourtrong van provinzal assessor ver en envire trong van kennen va de autonomia, der Simone Marchiori kemmen prok en plòtz van president Maurizio Fugatti, hòt u’ganòmmen s bèlln van enviregea’ pet en kontratt ver za gem de òrbet en de bèrk El Towers S.p.A. ver za kriang de kanai ORF1 ont ORFSport. De trasmissionen va de osterreichesche bèrk barn kemmen galòck sechen as de gònze provinz ont barn gea’ envire iber de 15 van schanmikeal 2026 finz as de 30 van oberel 2029.
“Ber sai’ pol en to va de Autonomi ont ber bissn biavle bèrt as de minderhaitn hom ver za sai’ de sèlln as hom sa anau, s ist kemmen gabiss gamòcht vill van sèll 5 van leistagest van ‘46 ver za unterstitzn de minderhaitn sprochen. S long sechen de kanai as de taisch sproch va de ostreiche television ORF en de gònze provinz geat au’ van a noatekait va de taischn gamoa’schòftn ober s bèlln gem en de gònze provinz s nutzn ver za sechen sa iberòll ist bavai s ist bichte vergreasern de meglechkaitn as men hòt: sai guat za verstea’sn se en de inger Euregio ist bichte”, hòt keing der Marchiori.
Traliccio di antenna televisiva [ @Mise]

Abia derklort va de Viareren van Dinst ver de Sprochminderhaitn ont ausbendegen netzn va de Provinz Elisabetta Sovilla, de òrbet geat no en envireziachen ver drai jor de konvenzion zbischn de Autonome Region Trentin Sudtirol, GECT ont de òllgamoa’ television ORF, u’ganòmmen en vourder oberel va de Regional junta.

Der doi be gip omport en de neatekait za gem de nochrichtn as meing sa sechen òlta ont junga aa, iber de digitaln piattaforme ver de nain generazionen ont de problem ugahenkt en de technologi van switch off van 2022. Gèltsgott en guat augea’ pet de El Towers S.p.A. as òrbetn ver de nètz va de lokalet sait, der segnal geat guat ider sèll as hòt vriarer kriak pet en ripetitor van joch Paganella. De lait barn meing envire gea’ za schaung de programmazion ORF as de kanai 75 (ORF1) ont 76 (ORF Sport) van digital terrestre, derzua aa de trèffn ver de nochrichtn abia "Südtirol Heute".

En riven van Trèff der Assossor Marchiori hòt gadenkt der raich klender van trèffn as viarn s jorvaiern van oa’nekòrt De Gasperi-Gruber, pet an focus as de trèffn as sechen de sprochminderhaitn abia protagonistn. Der earste bart sai’ as de 12 van leistagest as kimmp ka Lusern, as hoast se sait 80jor van oa’nekòrt va Parigi. S unterstitzn ont enviretrong de sprochminderhaitn va de Autonome Provinz va Trea’t, organisiart va de Fondazion Museo va de gschicht van Trentin ont Kulturinstitut Lusèrn pet en toalnemmen van vourstea’ner van kulturinstitutn ladiner, bersntoler ont zimbern. As de 27 ont 28 van schanmikeal 2026 kan Castello del Buonconsiglio kimmp gamòcht van trèff De Autonomi abia strument ver za enviretrong de cooperazion van lònt: sèll as kimmp gamòcht ont de guatn òrbetn as miasn kemmen gamòcht en de Lander va de europa, organisiart van GECT Euregio, pet en focus as en zòmmlem va mearer sprochen as de mòrchen lander. As de 11 van òlderhaileng, kan sitz va de Provinz bart se hòltn der trèff Sprochminderhaitn ont Autonomi, rècht en de sproch ont sèll as bart kemmen, gamòcht van dinst van Sprochminderhaitn ont ausbendegen netzn va de Autonome Provinz va Trea’t.

Ibersetz gamòcht van Sprochtirl va de Tolgamoa'schòft Hoa Valzegu' ont Bersntol

(cdt)


Immagini