Traduzione in mòcheno

De ist guat garift de edizion 2024-25 van "Euregio trèfft de schualn"

[Mòcheno] Interaktiv vourstelln, diskussion, tschbinn ont learspiln as de temen va de zòmmòrbet aus de grenz, gschicht, ausònderkait va de sproch ont òndra sòchen as enteressiarn va glaim de istituzion ont de lòntschòft: der projekt 'Euregio trèfft de schualn' hòt guat sperrt s schualjor 2024-2025, pet simaontzboa’sk trentinische schualn bou as hom toalganommen ungefèr tausntzboahundert studentn.
De òrbetn - de mearer as zboa sprochen - as hom vertiaft de gschicht va de lòntschòft ont de ausònderkaitn van Istituzion van Euregio Tirol-Südtirol-Trentin sai’ kemmen gamòcht en mearer verschidena schualn, va de earste schual as de zboate schual va zboate grad, van technische as de licei ont professionaln, va de ladinische schual as de Montessori, as vinnen se en de telder va de inser Provinz ont en de haupstòtt. Vil trèffn sai’ kemmen gamòcht en Haus Moggioli, sitz van Europeische grupp va zòmmòrbet zbischn de lander (Gect) Euregio ont an ettlena sai’ kemmen pfrok va òndra innrichtn, abia de Universitet va de dritte elt ont zòmm pet mearer istituzionen, zbischn de beil de Fondazione Museo Storico van Trentin.
Zbischn de temen vourtrong: sòchen as kearn de eartkund, de gschicht, de Autonomi, de sprochen, abia as funzioniart ont abia as s ist organisiart der Euregio, de projektn as kearn en de jungen, en de schual ont as enteressiarn en de lait.
Ver de innrichtn der “Euregio” ist kemmen en de leistn jarder a learòrbet 'standard' en de òllgamoa’learbe ont en de gamoa’schòft, asou as vil schualn en de zait hom bider pfrok za lonen inn der projekt ont zbelf schualn hom se derzua galeick en doi leiste jor.