Va iaz envire ist meglech bider lem de gschicht van olimpeschn spiln en de lander van Euregio turch aa de Euregio Infopoint va Innsbruck: de interattiv ausstellung ist kemmen vergreasert va kurza zait pet a sezion ver de Olipiadi. De innbaich van 3 van hourneng vergòngen ist kemmen gamòcht pet de toalnemmer van tirolervicepresident Wohlgemuth zòmm pet en kurator Christian Rainer, pet en Matthias Egger (gamoa’ arkiv va Innsbruck), van learern va de Universitat va Innsbruck der Kurt Scharr ont der Wolfgang Meixner ont van Segretario Generale van Euregio der Matthias Fink.
De nai sezion va de ausstellung ist as de Olimpischn binter spiln van 1964 ont van 1976 va Innsbruck ont derzeilt de gabinnen ont a toal vert de schlechtn pfòlln aa van atletn van Tirol, Sudtirol ont Trentin va viarer van Olimpiadi finz de sèlln va haitzegento. En de mu’netn as barn kemmen de informazionen barn kemmen gamòcht pet de lestn spiln van 2026 pet de naieket as gèltsgott en de prais van biathlon ka Anterselva ont ver de nordischen praisn en Fleimstol, iaz òlla de lander van Euregio sai’ kemmen olimpische sitzn.
En de binter spiln hom toalganòmmen en gònzn 124 atletn van Euregio, van dòin 41 van Tirol, 47 van Sudtirol ont 36 van Trentin. Der rivzeil van Euregio ist ausglaich: de atletn baiber ont mander van sudtirol hom gabungen 15 medaie, derno de atletn trentiner ont tiroler pet 14 medaie ver delegazion; 11 medaie ver de baiber ont 18 ver de mander.
De zeiler van medaie van Euregio ist nèt gònz en glaiche vurm van zeiler van medaie ufficialet: van a sait, der Euregio zeilt an iatn podio ver an iatn prais, abia ver en zeiler ufficialet. En an iatn vurm men miast hòltn en kopf as de praiser gamòcht pet de gruppn ont de staffette de atletn van Euregio miasn austoaln de medaie pet òndra toalnemmer. En de sèlber aussicht der Euregio hòt zeilt an iata medaia ver an iatn mentsch. En de prais va grupp ont en de staffette billt song as der Euregio hòt kriak an numer greaser va medaie benn s almen zboa atletn van Euregio sai’ gòngen as en podio.
En allegat: zeil van medaie ont campioni
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
