Descheche à dit la sorastanta del Servije mendranzes linguistiches e relazions esternes de la PAT Elisabetta Sovilla, l’operazion la ge va do al renovament per trei egn de la convenzion anter Region Autonoma Trentin-Sudtirol. GECT e emitenta publica ORF, aproà de oril da la Jonta regionèla.
L percors l respon al besegn de sporjer na informazion azessibola a duta la popolazion, jan sorafora i limic de la piataformes digitèles de neva generazion e i empedimenc che vegn ca dal switch-off tecnoligich del 2022. De gra a la cordanza con EI Towers S.p.a., operador de rei per l’area tecnica locala, l segnal l va sorafora i confins de rezezion che l era dant leé al ripetitor del Mont Paganella. I sentadins podarà seghitèr a veder la programazion ORF sui canai 75 (ORF1) e 76 (ORF Sport) del digitèl terester, tout ite i apuntamenc de informazion desche “Südtirol Heute”.
Dant de serèr su la Conferenza, l assessor Marchiori l à dapò recordà l rich program di evenc en ocajion del otanteisem cedean de la cordanza De Gasperi-Gruber, con n focus sui apuntamenc olache la protagonistes sarà la mendranzes linguistiches. L prum l sarà ai 12 de setember a Lusern, col titol “A 80 anni dall’Accordo di Parigi. La tutela e la valorizzazione delle minoranze linguistiche in Provincia autonoma di Trento”, per endrez de la Fondazione Museo storico del Trentino e Lulturinstitut Lusérn, olache tolarà pèrt i raprejentanc di trei Istituc culturèi ladins, mochen e zimber. Ai 27 e 28 de otober del 2026 al Ciastel del Buonconsiglio l é pervedù la scontrèda “L’Autonomia come strumento per promuovere la cooperazione territoriale: esperienze e buone pratiche di cooperazione territoriale nei Paesi europei” per endrez del GECT Euregio, con n focus su la convivenza de lengac desvalives sui teritories de confin. Ai 11 de november, enveze, aló dal palaz de la Provinzia, sarà la scontrèda “"Minoranze linguistiche e Autonomia, diritto alla lingua e prospettive future”, per endrez del Servije mendranzes linguistiches e relazions esternes de la Provinzia autonoma de Trent.
Traduzion di Servijes Linguistics e Culturèi del Comun general de Fascia
