Passa 2.400 la foto ruèdes ite per l concors fotografich. Per la soracuerta l é stat cernù l retrat de Fernando Tait de Mezzocorona

Calandèr de l’Euregio 2027: l vegn dat fora coi 30 de otober

[Ladino] L é vertech l calandèr Euregio 2027: l é stat portà dant en domenia ai 25 de otober a Innsbruck olache à tout pèrt l president de l’Euregio e capitan del Tirol Antone Mattle e i autores de la foto cernudes per chesta edizion; ades l vegn dat fora ti trei raions. A la fin del concors fotografich l é stat cernù 49 foto e l retrat de Fernando Tait de Mezzocorona l é stat cernù fora per la soracuerta. Sul retrat, doi merli da l’èga encroja i beches te na simetria beleche geometrica. Autra foto ge dèsc valor a vigni piata meis per meis, con de gregn retrac e con colage de trei foto.
Mattle l à dit de esser content de la passa 2.400 fotografìes ruèdes ite: “La gran partezipazion dal Tirol, Sudtirol e Trentin, ma ence la gran domana del calandèr ogne an, ne conferma che l enteress per l’Euregio e sia desvalivanza paesajistica, culturèla e sozièla nomuda.
Ence l president de la Provinzia autonoma de Trent Maurizio Fugatti e l president de la Provinzia autonoma de Busan Arno Kompatscher envia i sentadins de l’Euregio a portèr a cèsa o sul post de lurier l calandèr, te la verscion da parei o da desch, per aprijièr meis do meis la desvalivanza de l’Euregio Tirol – Sudtirol- Trentin. L projet ge fèsc onor a l empegn di fotografes che à tout pèrt: sorafora i confins, sie retrac met dant n muie de ocajions per se fèr n pensier personèl en cont de l’ambient de vita comun e su la particolaritèdes di trei teritories. Amò apede l calandèr l à informazions ùtoles sui lesc e sui servijes de l’Euregio, apede a rezetes e consees per raides.