Ber mu’ vrong
Der paitrog kimmp gem en de familie as en de Provinz va Trea’t lem ont bou as augeat oder adoptiart kimmp a dritteges kinn. De mama miast hom de rèchtn ver de stòttkear ont va residenz, patschrim asn provinzalgasetz, ont miast toalmòchen va de glaiche familia van kinder.
Zbischn de rèchtn ist patschrim as de mama miast hom an òrbet en moment as augeat oder adoptiart kimmp s kinn, oder as de hòt innzolt de previdenzialpaitroger ver mindestn zbelf jor en de leistn vinf jor. De moss ist zaruckdatiert, ver de kinder as augòngen oder adoptiart sai’ no en earste to van genner 2026.
Fissetn toal ont praistoal
S toal ist ònderst no en de birtschòftlege kondizion va de familia no en ICEF Familia:
finz as 48.000 euro, (400 euro as mu’net) ver de familie pet ICEF finz as 0,40;
finz as 30.000 euro (250 euro as mu’net) ver de familie pet ICEF iber 0,40 ont finz 0,70;
ver de familie pet ICEF iber 0,70 oder a’ne ICEF, kriak men 30.000 euro, auszolt pet 250 euro as mu’net, as kimmp garèchtn ver en IRPEF.
Der paitrog kimmp gem van mu’net no as augòngen ist oder adoptiart kemmen ist s kinn finz as hòt zeichen jor.
Ver de mame as, no en dritte jor va lem van kinn, gea’ bider oder plaim af de òrbet, aa benn de an aigenen bèrk u’vòngen, hom s rècht za kriang 200 euro òll mu’net va mear. Ver za krinags miast men hom gaòrbetet ver en gònzn 180 ta en jor vouraus va de vrog, aa benns nèt noch ont noch.
Abia vourstelln de vrog
Derno as sai’ kemmen u’ganommen de bècksln va de Provinzaljunta pet mossnemm va de 25 van moi, de vrog ver en fisset toal ont aa ver en praispaitrog mu kemmen vourstellt direkt va de mama durch en SPID oder Elèktronesche Erkennkòrt (CIE), oder durch de patronatn as sai’ as de provinz. De zait va vourstell ist kemmen galenkert finz as 180 ta va benn as ausòngen ist oder adoptiart ist kemmen s kinn. Ver haier sai’ gilte de derbailregln ver en 2026: ver de kinder augòngen oder adoptiart vour as de 30 van prochet 2026 de vrog ver en fisset paitrog mu kemmen vourstellt finz as de 31 van schantònderer 2026, pet en rècht za kriang der paitrog ver de gònze zait.
Men kònn vinnen òndra nochricht as de sait: Augea’paitrog ver en dritte kinn
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
