L pont l é logà sul chilometer 52+850 de la SS 48 de la Dolomites a na auteza de zirca 1370 metres sul livel del mèr. L’intervent fenì sù l à vedù fèr sù na lèsta de peton armà, metuda a mez sul lonch del pont a arcion originèl, su na pèrt de sbalz encastrèda e che la va inant sun 4 files de micropèi fons che i desćiarea gran pèrt del peis sui terens de fondament.
Chesta neva infrastrutura la é longia en dut 46 metres e lèria da poder passèr coi auti da 6,5 a 8 metres.
Sun duta does les pèrts de la sezion de la strèda del pont nef l é stat fat n marciapé de peton armà a sbalz lèrch 1,80 metres co na sparangola da na pèrt olache l è la jent che va a pe e n guard-rail H2 per la pèrt di auti.
I lurieres i va inant percheche l é pervedù de fenir via ence n percors per jir a pé e co la rodes, lonch en dut 94.48 metres e lèrch 2.50 metres, metù a mesa costa a piz de la picola val del Ruf de Pantl (Ruf Val de la Gejia).
Aldò de chel che l à metù dant l Servije de la Eghes da Mont de la Provinzia l è stat ence metù ite tel projet i lurieres
Per fèr su n toch de salejà de sasc te la pèrt del arcion che l è jà e de n mur sobito a val de chest medemo.
Dac tecnich-aministratives più emportanc:
- Responsabol del procedimento: ing. Carlo Benigni
- Progettista: ing. Fabio Ganz
- Direttore dei lavori: Ing. Marco Zanuso
- Coordinatore della sicurezza in progettazione e in esecuzione: ing. Fabio Ganz
- Importo lavori di progetto esecutivo: prezzo dei lavori a base di appalto 1.427.449,02 euro di cui 1.384.475,77 euro per lavori e 42.973,25 euro per oneri della sicurezza su un totale finanziato dell’opera di 1.960.000,00 euro.
Traduzion di Servijes Linguistics e Culturèi del Comun general de Fascia
