Alcune pubblicazioni curate dal Servizio minoranze linguistiche della Provincia, nate dal confronto fra i soggetti che siedono al Tavolo della comunicazione delle minoranze linguistiche [
Archivio Ufficio stampa PAT]
Di toalnemmar von Tisch soin khent vornaügart ’z djar 2020 un dena bidar ’z djar 2022 nå in bèkslom bodada soin gest in Provìntz un haltante kunt von ågestèllte bodase o soinse auzgebèkslt.
Est soinda bidar gebèkslt mearare sachandarn un asó hattma bidar gemocht nemmen in di hent in Tisch zoa zo maga arbatn azpe ’z hatt z’soina.
Dise soinz di Toalnemmar von Tisch:
- di Elisabetta Sovilla, diridjénten von Dianst vor di Zungmindarhaitn un auzantn sachandarn boda koordinart in Tisch;
- di Evelyn Bortolotti, boda drauschauget afte kulturàl un zung dianst von Comun General de Fascia un di Sabrina Rasom, dirèktören von Istitut Cultural Ladin “Majon di Fascegn”, azpe tèknesche vortretar vodar ladinar mindarhait;
- di Claudia Marchesoni, dirèktören von Bersntoler Kulturinstitut, azpe tèknesche vortretar vodar mòknar kamòuschaft;
- dar Willy Nicolussi Paolaz, dirèktor von Kulturinstitut Lusérn, tèknesche vortretar vodar zimbar kamòuschaft;
- di Giovanna Chiocchetti, stèllvortretar von dirèktor von åmt vor di zungmindarhaitn vodar autonome Redjong Trentino-Alto Adige/Südtirol, azpe tèknesche vortretar von Åmt;
- dar Giampaolo Pedrotti, vüarar von prèss Åmt vodar auotnome Provìntz vo Tria.
Aftn arbat Tisch mangda khemmen gerüaft zo nemma toal vortretar vo gesèllschaftn, öffentleschen emtar, un espèrte vo mearare sektör boda håm zo tüana pittar komunikatziong un boda mang eppaz gem darzuar in arbartn von Tisch.
Übarsetzt von Schaltarle vor di zung von Toalkamou vodar Zimbar Hoachebene
