Di famildje zornìrt bartn vången vo Istat an informatìf lettar pitt soin darkhenn date zo giana afte websait auzzovülla sèlbart in formulàr. Von 12 von bintmånat di kamöündar bartn ummar schikhan laüt boda bartn mochan intervistàrn di famildje boda nèt håm rispundart alumma online. ’Z mentsch boda bart machan di interviste vor ISTAT bart håm an zettl drau pittar foto un in stempl von Kamòu. Darzuar bartma mang vorsan zo maga seng di khennkart odar årüavan soin Kamòu zo bizza biz iz daz djüst mentsch. (Peng berda hettat gemocht ummar trang di lettarn geschffat vo ISTAT izzese vorspetet, di informatìf lettarn vor di zelom soin drå zo riva spet in famildje).
Zo bizza bima sait khent zornìrt iz noateg årüavan in Uantze Nummar ISTAT 1510 von menta aftn såntzta vo di noüne mòrgas sin di noüne abas, kontrolarn di PEC odar di App IO.
Antånto azma paitet di informatìf lettar untarschribet von vorsitzar vo ISTAT makma auzvülln allz ummaz in formulàr:
- online nützante da eletrònege khennekart odar in Spid (ma tüat asó: drukhan aftn ufitzièll link https://raccoltadati.istat.it/questionario/ ; gian inn garade pitt Cie odar Spid, auzvülln un schikhan dena abevazzan di ritzevuda ke ma hatten auzgevüllt);
- gianante odar årüavante in kamòu zentrum von soin Kamòu
Di date augenump vodar zelom soin anonime. Istat schoant di date von pürgar un von purgaren un nützt di informatziongen lai vor statistege ziln nå bazta auzmacht ’z gesetz. Zo macha raichar disan bichtege statìstik schatz un khennen pezzar ’z Lånt bobar lem iz grüntlich azta alle di famildje zornìrt nemmen toal asó khinta gezoaget an pestn da gåntz popolatziong.
Ma gedenkht ke nemmen toal dar zelom iz a zbing gesetz, ma in da gelaichege zait an oportunitét o.
Zo bizzasan mearar gian z’sega afte websait: www.istat.it/it/censimenti/popolazione-e-abitazioni .
Übarsetzt von Schaltarle vor di zung von Toalkamou vodar Zimbar Hoachebene
