In a bèlt boda loaft bahemme, disar tschinema machtaz fermarn z'schauga bazta vürkhint uminum üs.
Vo alln in film zuarkhent, 30 soin khent zornirt vor di praizan:
- 7 långfilm – vo Algeria Belgio, Burkina Faso, Cina, Francia, Iran;
- 5 mittlångfilm – vo Beleslånt, Paesi Bassi, Senegal, Turchia;
- 11 khurtzfilm vo Brasile, Russia, Groelandia, Indonesia, Beleslånt, Moldavia, Palestina, Polonia, Portogallo,Turchia, Ucraina;
- 7 Khurtzfilm vodar Setziong Diunge, vo Colombia, India, Indonesia, Beleslånt, Regno Unito, Tagikistan.
11 redjisti soin baibar un 19 soin månnen: schaung di bèlt pitt åndre oang. 27 film soin gåntz naüge, un ditza zoaget ke disa editziong lekk zuar arbatn boda nonet soin khent gezoaget.
Di film bartn soin geschètzt vo espèrte vo tschinema un studjös boda bartn premiarn viar arban:
- € 3.000 in långfilm;
- € 2.000 in mittlångfilm;
- vor in khurtzfilm dar earst praiz iz 1.500 euro un dar zboate 1.000 euro.
Darzua barta soin da “Premio Giovani” vor di student von schualn pitt film nètt lengar alz 30 minutn: 1500 euro dar earst un 1000 dar zboate.
Di film bartn soin gezoaget in Teatro San Marco vo Tria in vraita 16 un in såntzta 17 von bimmat; di premiatziong bart soin in såntzta atz 17 von bimmat di noüne abas. In sunta atz 18 von bimmat, in tages, vo di drai sin di sekse un a halbez, bartnda soin gezoaget alle di film.
Gian inn khostetz nicht.
Dar progråmm iz aftn sito https://www.museosanmichele.it/
Übarsetzt von Türle afta Zimbarzung von Kamou vo Lusérn




