Apuntament en domenia ai 8 de november da les 17.30 te teater Navalge a Moena
TrasLaMusega “Ciantèr fascian”
Traduzione in ladino
[Ladino] La Majon di Fascegn ve speta en domenia ai 8 de november da mesa les sie da sera te teater Navalge a Moena per l conzert finèl de TrasLaMusega “Ciantèr fascian”, l projet nasciù per viventèr la musega per cor con neva cianties per ladin.
Sun paladina, per la pruma outa ensema, scutarede su passa doicent oujes, spartides ti 7 cores che à tout su la endesfida. E sarà protagonist ence l publich, che l podarà litèr i toc che ge à sapù più bie.
L projet, nasciù tel gremen de la scomenzadives per i 50 egn de la Majon di Fascegn, l à podù se emprevaler del sostegn de la Region Autonoma Trentin/Sudtirol e de la colaborazion del Comun General de Fascia, che à volù uzèr fora l empegn di cores, estra che del Comun de Moena che à metù a la leta l teater, viventà, en chela sera, da passa doicent ciantarins e ciantarines.
Tolarà pèrt al conzert:
Cor di bec de la Scola de Musega “Il Pentagramma” de Fiem e Fascia
Cor Sènc Piere e Paul da Soraga
Cor de gejia da Vich
Cor de gejia da Ciampedel
Ensemble Canticum Novum
Coro Nosc
Cor Valfassa
Traduzion di Servijes Linguistics del Istitut Cultural Ladin de Fascia
(DB)
(pc)
Immagini
