"Der trentiner òllgamoa’meivernsemittl ist jor ver jor an ausòndern dinst ver de studentn van zboatn schualn va zboate tritt ver za gea’ za schual. Abia Provinz ber denken as bichte ist versichern en de jungen ont en de familie de moglechkait za prauchen de netzn keing en de schualnzentrum avn lònt, asou za verlaichtern s rècht en learnen turch de vraihait za meivern se avn lònt aa. En de glaiche zait, pet en bidersong as de amministrazion de studentn unterstitzt, ber gem en de moglechkait za riarn se avn lònt en an pahòltlegen vurm, asou as minder kostn gip ver de umbèlt ont en zòmmlem van privatverkearmittldinst”, hòt derklort der asesor en de urbanistik, energi ont verkearmittln, Mattia Gottardi.
Men lont inn de familie za leing drinn gèlt en de zaitkòrt bail en de gilte zait en de zeitlnomtn va Trentino trasporti oder Trenitalia. Ver de kloa’nekaitn iber en de virm za zoln de zaitkòrt ist s mu men gea’ za pasuachen de websait va de Provinz va Trea’t (af de sait: https://www.provincia.tn.it/Servizi/Abbonamenti-trasporto-studenti-delle-scuole-superiori ), bou as pesser patschrim ist der vurm ver za kriang de zaitkòrt a’ne zoln ver en viarte kinn.
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
