Traliccio di antenna televisiva [
@Mise]
Lunedì, 16 Dicembre 2024 - 17:57
Comunicato
3558
Traduzione in mòcheno
Taitscha sender ORF 1 ont ORF Sport, galuckt en Palai en Bersntol aa
[Mòcheno] De Provinzaljunta, no de vourtschbinn van president Maurizio Fugatti, hòt gem der u’vong ver za leing zan plòtz der dinst ver za bider baitergem de taitschn sender ORF 1 ont ORF Sport, ont meing asou versterchern de schòltkròft ont versichern a pessera qualitet van sender ORF as de gònze provinzal lòntschòft.
De doi moglechkait geat au van an projekt u’gahenk en mòchen kennen de taitsch sproch en de lender as grenzn pet en Osterraich, de ist kemmen gamòcht en Südtirol ont de hòt se vergreasert en langen va haier.
En Trentin der projekt za lòng sechen as de gònze lòntschòft de taitschn sender ist u’gahenk en schutzn de sprochminderhaitn, iberhaup de zimber ont bersntoler taitschn gamoa’schòft, ober s enteressiart en òlla de lait.
Turch hòndln ont zòmmtrèffen pet Ei Towers, de gesellschòft as hòt kriak de òrbet, ist men guat gaben za versichern za lucken s dorf va Palai en Bersntol (pet en innricht van Lenzer) aa, oa’n van Gamoa’n bou as plaip de bersntoler gamoa’schòft, en an plòtz bou as vouraus ist gaben ausgalescht za sechen.
En de bochen as kemmen barts kemmen galeik zan plòtz s ibergeb van dinst ont derno barn kemmen pfrok de sender en Minister as zuakeart. Men bart meing sechen de sender bail de earstn mu’netn van 2025.
De doi moglechkait geat au van an projekt u’gahenk en mòchen kennen de taitsch sproch en de lender as grenzn pet en Osterraich, de ist kemmen gamòcht en Südtirol ont de hòt se vergreasert en langen va haier.
En Trentin der projekt za lòng sechen as de gònze lòntschòft de taitschn sender ist u’gahenk en schutzn de sprochminderhaitn, iberhaup de zimber ont bersntoler taitschn gamoa’schòft, ober s enteressiart en òlla de lait.
Turch hòndln ont zòmmtrèffen pet Ei Towers, de gesellschòft as hòt kriak de òrbet, ist men guat gaben za versichern za lucken s dorf va Palai en Bersntol (pet en innricht van Lenzer) aa, oa’n van Gamoa’n bou as plaip de bersntoler gamoa’schòft, en an plòtz bou as vouraus ist gaben ausgalescht za sechen.
En de bochen as kemmen barts kemmen galeik zan plòtz s ibergeb van dinst ont derno barn kemmen pfrok de sender en Minister as zuakeart. Men bart meing sechen de sender bail de earstn mu’netn van 2025.
