Zimbarn (Di zung un ’z gedenkh)
A studjos vodar zung hatt gevüart di laüt zo khenna di börtar un in khlång vodar zimbarzung. In sèlln boda soin zuargånt izzen khent gètt a khlumma libarle pinn börtar vodar zung un berda hatt geböllt hatta gemak drauhåm soin nåm o.
Möknar (di håntarbat von holtz)
’Z izta khent gezoaget in pratika daz uralt gebizza. Dar håntarbatar Marino Oss hatt gezoaget bia zo macha di zoa (di zumma von sbemm) un dar schi’kòstn (a traditzionàl schroi) di laüt sèlbart soin khent inngevånk zo macha sèlbart skèttela vor in tabakk un izzen khent gelirnt in di zboa zungen (belesch un möknar).
Ladinar (mito un design)
Di baibar von prodjèkt Aurona Ores Jewels håm gezoaget bia ’z khinta gearbatet di krea von beldar von tal zo macha darmìtt modèrnege djoièlle. Di arbatn håm vorgelek viar stèpfln (Mito, Matèrdja, Alkimì un Emotziong) zoagante bia dar pèrge un soine stòrdje mang nèt lai khemmen kontàrt, ma gearbatet un ågelekk.
Übarsetzt von Schaltarle vor di zung von Toalkamou vodar Zimbar Hoachebene
