Zimber (De sproch ont der gadònk va de vergòngene zait)
An auskennmentsch va linguistik hòt pfiart de lait za vinnen de beirter ont de kling va de zimber sproch. Ver za lòng an zoach, en de toalnemmer ist gem kemmen a piachl pet de zimber beirter pet de moglechkait za kriang a personalisiarte inschrift.
Bersntoler (De bèrkstòtt van holz)
An praktesn zoach va òlta kennen. Der hòntbèrker Marino Oss hòt schaung galòk abia as men mòcht de zoa’ ont der schi’kòstn. De lait sai’ gariaft kemmen en an òrbetbèrk ver za mòchen de skatteler van tabak, pet a zboasprochege naikait (balsch/bersntolerisch).
Ladiner (De gschichtler ont der design)
De referentn van projekt Aurona Ores Jewels hom vourstellt der bècksl van laim van ladiner balder en schatzler va design va haitzegento. An ring en viar momentn (Mito, Materia, Alchemi ont Emozion) as zoang hòt gabellt abia as der pèrg ont sai’na gschichtler nèt lai derzellt kemmen meing ober plasmiart ont u’galeik aa.
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
