Un particolare della pagina in lingua mòchena "Liaba Lait" pubblicata ogni due settimane sul quotidiano L'Adige [
Istituto culturale mòcheno / Bersntoler Kulturinstitut]
De toalnemmer van Klòfftisch sai’ kemmen vernaiert en 2020 ont en 2022, no organisativen bècksln as hom enteressiart de provinz organisasion van u’stelltn bècksl. Òndra sochen as sai’ passiart hom pfrok iaz a naia bècksl ver za mòchen pesser funzioniarn der tisch.
Der Tisch ist iaz asou toalganommen:
- Elisabetta Sovilla, viareren van Dinst van Sprochminderhaitn ont de ausbendegen nètzn, abia regiarung van Tisch;
- Evelyn Bortolotti, vourstea’ner van dinstn va de sproch ont va de kultur van Comun General de Fascia ont Sabrina Rasom, viareren van Istitut Cultural Ladin “Majon di Fascegn”, techniker vourstelltn ver de ladiner sprochminderhait;
- Claudia Marchesoni, viareren van Bersntoler Kulturinstitut, techniker vourstellte ver de Bersntoler sprochminderhait;
- Willy Nicolussi Paolaz, viarer van Kulturinstitut Lusérn, techniker vourstellte ver de zimber sprochminderhait;
- Giovanna Chiocchetti, en plòtz van viarer van omt ver de Sprochminderhaitn va de Autonome Region Trentin ont Südtirol, techniker vourstellte van Dinst;
- Giampaolo Pedrotti, vourstea’ner van Druck Dinst va de Autonome Provinz va Trea’t.
En tisch mein kemmen inngalònt za toalnemmen abia gastn, vourstea’ner va dinstn òllgamoa’omtn oder auskennetamentschn en sektorn as kearn en de iniziativen as meing opfern s sai’ bissn.
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
